Pero Ferrández d'Íxar y Chil

De Biquipedia
Ir a la navegación Ir a la búsqueda
Pero Ferrández d'Íxar y Chil
Barón d'Íxar

12991322
Predecesor Pero Ferrández d'Íxar
Succesor Alifonso Ferrández d'Íxar y Anglesola

Muerte 1322
Enterreco Ilesia de los Predicadors de Zaragoza
Conchuche/s María Ferrández de Luna, Gostanza Maza Bergua, Cilia d'Anglesola
Descendencia Marquesa Ferrández y Anglesola, Sibila Ferrández y Anglesola, Alifonso Ferrández d'Íxar y Anglesola
Dinastía Casa d'Íxar
Pai Pero Ferrández d'Íxar
Mai Marquesa Chil de Rada

Pero Ferrández d'Ixar y Chil, dito lo senyalero estió lo segundo senyor d'Íxar. Yera fillo de Pero Ferrández d'Íxar y de Marquesa Chil de Rada.

Se casó tres vegatas, la primera con María Ferrández de Luna, la segunda con Gostanza Maza Bergua, y la tercera con Cilia d'Anglesola, tenendo tres fillos con la tercera: Marquesa Ferrández y Anglesola, Sibila Ferrández y Anglesola, Alifonso Ferrández d'Íxar y Anglesola.

Accions en la Baronía d'Íxar[editar | editar código]

Adhibió a la Senyoría d'Íxar la metat de Belchit y la Puebla d'Albortón por matrimonio. Churó los privilechios d'Íxar en un texto en aragonés.

Sepan todos omnes que martes día de Sant Luch 17 días andados de Octubre fue cridado concello publicament por la villa de Ixar y aplegado de los vecinos del mismo lugar en el castiello de Ixar ante el noble don Pero Ferrandez sennior del dicto lugar, filius que fué del noble don Pero Ferrandez et donna Marquesa Gil de Rada muller del, sennyores que fueron de Ixar et demostraron el dicto concello y leyer ficieron ante el dicto noble el privilegio de la población de Ixar

En 1307 lo concello d'Íxar entabló pleito con lo concello d'Alcanyiz por las mugas d'una defesa, pleito que perdió.

Fundó lo Hespital de la Santa Cruz en Íxar con un reglamento escrito en aragonés:

con cuatro leitos para recibir freires y personas honradas que por dios querran allí albergar

Consiguió de lo Papa Chuan XXII puyar a la categoría de colechiata a la ilesia parroquial en l'anyo 1319.

Accions fuera de la Baronía[editar | editar código]

En l'anyo 1304 intervinió en la partición de lo Reino de Murcia.

Lo 15 d'abril de 1309 fue nombrato Alférez Señalero Mayor de la Santa Ilesia Romana por o rei d'Aragón, cargo dito gonfonalero:

Sepan todos hommes que como nos, don Pero Ferrández, sennyor de Ixar, senyalero de la Santa Yglesia de Roma, por el sennyor rey, de liçençia e ordenamiento del senyor papa Juhan XXII que agora yes...

Lo 19 d'abril de 1311 asiste a las cortz chenerals que se celebroron en la Seu de Sant Salvador de Zaragoza

En 1316 lo rei lo ninvió ta Nápols y Secilia pa concertar a paz entre los reis Roberto d'Anchú y Fadric III, aproveitando un viache ta Palermo de lo senyor d'Íxar por motivos presonals.

A prencipios de 1318 renunció a las suyas honors a favor de lo suyo fillo Alifonso, pero no renunció a la ideya d'esdevenir cruzato, y en 1318 se'n fue ta Tierra Santa por petición de lo rei dende lo 7 de setiembre de 1316.

Ingresó como flaire en la Orden de Santo Domingo de Guzmán y ordenó en lo suyo testamento lo 6 de chinero de 1318 de ser apedecato en la Ilesia de los Padres Predicadors de Zaragoza.

Wikisource-logo.svg
En Wikisource bi ha un texto sobre Oldwikisource:Pero Ferrández chura os privilechios d'Íxar.


Predecesor:
Pero Ferrández d'Íxar
{{{título}}}
{{{período}}}
Sucesor:
 


Bibliografía[editar | editar código]

  • Demelsa Ortiz Cruz. El señorío, luego ducado de Híjar. Cuadernos del Ducado de Híjar 1: El Legado cultural. 2008. Archivo Ducal de Híjar.
  • Mariano Laborda Recuerdos de Híjar. Editato por lo Centro de Iniciativas Turísticas del Cuadro Artístico de Híjar, 1980.