Pernileta
A pernileta[1] ye o nombre chenerico d'o producto obteniu d'o grupo de musclos, graixa y uesos que forman os miembros debanters d'o ganau en cheneral y, particularment, d'o tocín. Puet procesar-se cueta u salada en crudo y curada de forma natural. Presenta o mesmo proceso d'elaboración que o pernil.
Si bien a pernileta y o pernil d'un mesmo tocín tienen una sabor muit pareixida, entre os dos i hai detalles que los diferencian: asinas, a pernileta, cual carne contiene mayor proporción de graixa en relación con o musclo, gosa estar mas aromatica y a suya sabor lucherament mas dolza, mientres que o pernil ye mas ixeco y de sabor mas intensa.[2]
En o caso d'a pernileta iberica, gosa pesar entre 4 y 6 kilos, y o pernil pesa entre 6 y 9,5 kilos, con menor proporción de ueso, lo que fa que a pernileta siga mas economica, ya que presenta un menor rendimiento comparau con o pernil, y pa compensar-lo le'n rebaixa o pre.[3][4] Con atros productos procesaus en crudo ocurre o mesmo.
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (es) La Paleta o Paletilla Ibérica
- ↑ (es) ¿Por qué la paleta ibérica es mucho más barata que el jamón?
- ↑ (es) Diferencias entre el Jamón Pata Negra y la Paletilla
| Control d'autoridaz |
|
|---|
Datos: Q9054806