Per un pugno di dollari

Per un pugno di dollari
Títol	Per un pugno di dollari
Ficha tecnica
Dirección	Sergio Leone
Aduyant de dirección	Franco Giraldi
Dirección artistica	Carlo Simi
Producción	Arrigo Colombo Giorgio Papi
Guión adaptau	Adriano Bolzoni Mark Lowell Víctor Andrés Catena Sergio Leone
Basau en	una historia de Víctor Andrés Catena, Jaime Comas Gil y Sergio Leone basada en o guión de Yojimbo (1961) d'Akira Kurosawa
Musica	Ennio Morricone
Soniu	Elio Pacella Oreste Lionello
Fotografía	Massimo Dallamano
Montache	Roberto Cinquini
Vestuario	Sigfrido Burmann Francisco Rodríguez Asensio Carlo Simi
Maquillache	Alberto Gutiérrez Sam Watkins José Luis Pérez José María Sánchez
Peluquería	Dolores Clavel
Efectos especials	Manuel Baquero Giovanni Corridori
Actors	Clint Eastwood Marianne Koch Gian Maria Volonté Wolfgang Lukschy Sieghardt Rupp Joseph Egger Antonio Prieto José Calvo Margherita Lozano Daniel Martín Benny Reeves Mario Brega Nino del Arco Bruno Carotenuto Aldo Sambrell
Color	Technicolor Eastmancolor Techniscope
Datos y cifras
País(es)	Italia Espanya Alemanya Occidental
Anyo	1964
Estreno	12 de setiembre de 1964 Italia 5 de marzo de 1965 Alemanya Occidental 27 de setiembre de 1965 Madrit (
Chenero(s)	Cine de western
Durada	99 min.
Idioma(s)	Anglés Italiano
Companyías
Productora(s)	Jolly Film Constantin Film Ocean Films
Distribución	Unidis Constantin Film Izaro Films
Estudio(s)	Cinecittà Studios
Presupuesto	200.000/225.000 dólars
Recauto	19,9 millons de dólars
Informacions en bases de datos especializadas:

Per un pugno di dollari (títol orichinal en italiano, en aragonés Por un falcau de dólars, estrenada en Aragón co o suyo títol traduciu enta lo castellano como Por un puñado de dólares) ye una cinta de cine de western (un "spaghetti western") coproducida por o cine italiano, lo cine espanyol y lo cine alemán, estrenada l'anyo 1964, dirichida por Sergio Leone seguntes un guión adaptau por Adriano Bolzoni, Mark Lowell, Víctor Andrés Catena y Sergio Leone (basau en una historia de Víctor Andrés Catena, Jaime Comas Gil y Sergio Leone basada a la vegada en o guión d'a cinta Yojimbo, dirichida en 1964 por Akira Kurosawa), con una banda sonora orichinal d'Ennio Morricone, una dirección de fotografía de Massimo Dallamano, una producción cinematografica de Arrigo Colombo y Giorgio Papi ta las productoras Jolly Film, Constantin Film y Ocean Films y un elenco d'o cual en fan parte, entre d'atros actors, Clint Eastwood, Marianne Koch, Gian Maria Volonté, Wolfgang Lukschy, Sieghardt Rupp, Joseph Egger, Antonio Prieto, José Calvo, Margherita Lozano, Daniel Martín, Benny Reeves, Mario Brega, Nino del Arco, Bruno Carotenuto u Aldo Sambrell. Ye la primer cinta d'a clamada "trilochía d'o dólar" dirichida por Sergio Leone, con musica d'Ennio Morricone y protagonizada por Clint Eastwood, chunto con Per qualche dollaro in più (1965) y Il buono, il brutto, il cattivo (1966).

Un forano sin nombre plega enta San Miguel, un lugarón en Mexico amán d'a muga esrausunidense, y Silvanito, l'hospedero, li explica que o pueblo ye dominau por dos familias barallasdas entre ellas, os Baxter y los Rojo. Os Rojo son tres chirmanos, Miguel, Esteban y Ramón, estando iste zaguero lo dirichent d'a familia, y los Baxter son John, su muller Consuelo (que ye qui manda en a familia) y su fillo Antonio. O forano decide aproveitar ixa situación y conseguir que todas dos familias se barallen mas, ta asinas él obtener beneficios. Como cuan heba dentrau en o pueblo cuatre farutes d'os Baxter l'heban insultau, decide tener u duelo con ñels y matar-los, probando asinas a suya valura. Bien luego plega en o pueblo un carro de l'exercito mexicano que pareixe cargau d'oro, y lo forano decide seguir-lo, descubrindo que heban de cabiar ixe oro por armas de contrabando subministradas por soldaus estausunidenses, pero en realidat Ramón Rojo heba parau una trampa ta matar-los y apropiar-se de l'oro. O forano explica a los Baxter os feitos y lis diz que dos soldaus mexicanos han sobreviviu y que podrían testificar, eliminando asinas a los Rojo, decindo tamién a los Rojo que los Baxter marchan enta lo fosal a on se i troban amagaus os dos soldaus, conseguindo asinas una chicota batalla en o fosal entre todas dos familias. En a batalla los Rojo fan presonero a Antonio, y lo forano consigue liberar a Marisol, una muller d'o lugar de qui Ramón ye enamorau y a qui mantiene secuestrada, entregando-la a los Baxter ta que la intercambien por Antonio. Y obviament, por cada uno d'ixos informes, a forano cobra una buena cantidat de diners... Tanimientres, finalment os Rojo descubren que qui liberó a Marisol estió lo forano y lo secuestran y torturan, dica que consigue fuyir, descubrindo en a fuga que los Rojo han asitiau a casa d'os Baxter y han matau a la familia y a toos os suyos farutes. Días dimpués li dicen que amás os Rojo son torturando a un amigo suyo, qui l'ha cudiau mientres que se recuperaba, y lo forano prepara la suya venganza.

A cinta s'ambienta en bel momento indeterminau d'a segunda metat d'o sieglo XIX en bel puesto indeterminau de Mexico amán d'a muga con os Estaus Unius, y las suyas escenas se filmoron en o Parque Natural Cabo de Gata-Níjar en Almería, y en Polopos y lo disierto de Tabernas en Tabernas (Andalucía) y Aldea del Fresno, Colmenar Viejo y Hoyo de Manzanares (Comunidat de Madrit) en Espanya y en os Cinecittà Studios en Roma (ciudat metropolitana de Roma) en Italia.

Ye una cinta que ha recibiu bels premios y nominacions, encara que garra d'éls no fa parte d'os premios cinematograficos mas conoixius u destacaus.

Elenco

Actor	Papel	Notas
	'

Se veiga tamién

• Cine en 1964.
• Cintas de 1964.

Vinclos externos

• Se veigan as imáchens de Commons sobre Per un pugno di dollari.
• (en) Per un pugno di dollari en Internet Movie Database.
• (en) Per un pugno di dollari en TCM Movie Database.
• (en) Per un pugno di dollari en Box Office Mojo.

• Datos: Q76479
• Multimedia: Per un pugno di dollari / Q76479