Penyal
Un penyal[1][2][nota 1] u una penyalera[1][3][nota 2] ye una forma de rematar as fronteras d'os edicificios con lenatos a dos auguas de loseta u es tellatos de tella pa guardar-los contra l'arranque de partes por o viento.[2] Os lenatos de lenastra, en estar un material mas pesau, no sole caler protecher-los como ixes u en hai prou con atras mesuras, como doblar o peso metendo-les pirols u piedras alto.
Ye una prolargación de la frontera, que gosa superar en altaria la cuminera d'o tellau, que ye a parte mas vulnerable contra os bufidos de l'aire, y d'esta traza fa que as turberas mas violentas no en puedan rancar piezas. A presentación mas tipica ye con una forma d'escaleras.
Se'n sole trobar en puestos ventosos u aon o viento puede pillar mas fuerza, como lo fondo d'as vals d'o Pireneu axial aon que l'aire de puerto puede estar a-saber-lo violento, u en aldeyas apegadas a cillos u parez de penya contra la cual l'aire troba un efecto embudo y puede bufar bien firme.
Notas
[editar | modificar o codigo]- ↑ En belsetán pennal y en ribagorzano penal
- ↑ En belsetán pennalera y en ribagorzano penalera
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ 2,0 2,1 FERRAZ CASTÁN, Vicente, Vocabulario del dialecto que se habla en la Alta Ribagorza (1934) (Facsímil). Aladrada ediciones. Zaragoza, 2013. ISBN 978-84-940886-6-7
- ↑ BADIA i MARGARIT, Antoni Maria, El habla del Valle de Bielsa (Pirineo aragonés). Edición d'Artur Quintana. Aladrada ediciones. Zaragoza, 2015. ISBN 978-84-944335-5-9
Se veiga tamién
[editar | modificar o codigo]| Control d'autoridaz |
|
|---|
Datos: Q97484734