Penchador

Penchador

Un penchador ye un mueble destinau a penchar abrigos, chaperos u atras prendas.

O termin penchador puet fer referencia a dos tipos de mueble:

• O que se pencha d'a paret y tiene varios suportes aliniaus sobre os que se pencha a ropa.
• O penchador de piet consistent en un tronco vertical que s'empara en una base u en unas patas d'o cual salen cuantos brazos en os que se penchan as prendas.

Os penchadors son muebles practicos que s'utilizan pa penchar prendas d'abrigo como tapabocas, chaperos, abrigos, etc. y mesmo complementos, como bolsos. Son útils pa ordenar as prendas y tener-las replegadas en un solo puesto y no dispersas por a vivienda. Os penchadors de piet se meten en o recibidor d'a vivienda que ye a on as personas gosan sacar-se a ropa exterior. Son especialment útils a la hora de recibir visitas pa as que constituye, amás, o primer contacto con a vivienda. A suya altaria gosa estar d'entre 1,60 y 1,65 cm de forma que una persona d'estatura meya pueda acceder con facilidat a las prendas.

Os penchadors resultan tamién imprescindibles en as oficinas, despachos, salas de reunions y atros puestos de treballo a os cuals o personal accede con a suya ropa d'abrigo. En tals casos, gosan meter-se a la dentrada u chunto a una paret en un puesto discreto d'a cambra.

O penchador de paret tiene l'avantalla d'ocupar menor espacio que l'anterior. Puet situar-se mesmo dezaga d'una puerta aproveitando d'este modo un espacio inútil. Os penchadors de paret pueden instalar-se en diferents cambras d'a vivienda - cuartos infantils, dormitorios, cuartos de banyo, etc. - estando a función que fan diferent en cadaguna d'ellas. En o cuarto d'os ninos s'utilizan pa alzar prendas, chuguez, monyacos de trapo, etc. mientres que en o banyo a suya función ye a de sustener albornoces y tovallas.

se Veiga tamién

• Percha
• Galant de nueit
• Tendedor

Referencias

• Datos: Q4858753
• Multimedia: Clothes valets / Q4858753