Pelleta-roya

A valura atipica, olio de Frederic Remington (Museu de Brooklyn) de 1909, a on amuestra a un amerindio con una marcada color roya d'a piel, en una representación arquetipica.

Pelleta-roya ye un termin procedent d'a traducción de l'anglés "redskin" que se fa servir ta designar a lo conchunto de poblacions d'os amerindios, os habitants orichinarios d'America, mas que mas de l'America d'o Norte, en lengua anglesa y que poseye un matiz que bel uns consideran ofensivo, preferindo-se l'emplego d'a voz "amerindios" ta designar a ixas personas. Ye una voz que encara que existent d'antes mas, s'ha estendillau en atros idiomas dende lo sieglo XX a traviés d'o cine estausunidense, en o suyo chenero cinematografico d'o cine de western, y d'as novelas d'ixe mesmo chenero, a on gosa designar a los malos remataus d'a cinta u d'a novela en os estereotipos d'o chenero, chunto con os bandius. O suyo antonimo en ixe contexto ye "color de pot" u "rostro palido", con o cual se designa a los colonos estaususnidenses d'orichen europeu (encara que no a los mexicanos con independencia d'a tonalidat d'a suya piel, a qui la sociedat estausunidense no consideraba ni considera como "blancos").

En os Estaus Unius o termin, sía cual en sía lo suyo orichen (porque bellas teorías mesmo dicen que ye un termin chenerau por os propios amerindios), ha adquiriu un matiz fundament negativo, asociau a lo racismo contra los grupos etnicos designaus con ixe nombre. Y chustament por ixe motivo ha chenerau controversias por o suyo emplego en atros contextos; asinas, por eixemplo l'equipo de fútbol americano d'os Washington Football Team cambió lo suyo nombre en 2002, que yera anteriorment "Washington Redskins", como consecuencia d'a presión en considerar l'antigo nombre de l'equipo como un nombre con connotacions racistas.

En l'Oxford English Dictionary se reculle la voz "redskin" dende la suya edición de 1587, y indica como orichen d'a palabra lo feito d'a color royenca d'a piel de bellas tribus d'as colonias britanicas en os actuals Estaus Unius y Canadá. Puet estar que l'orichen d'a voz se trobe dende meyaus d'o sieglo XVIII en o Reino Uniu, cuan l'Imperio Britanico prencipió la suya expansión y en consecuencia lo suyo contacto con grupos humans diferents a los europeus y se i cheneralizó la visión de clasificar a los sers humans seguntes a color aparent d'a suya piel como blancos, negros, amariellos u royos, en un sistema clasificatorio hue considerau como acientifico y racista.

Referencias

• Datos: Q5140747