Pelago
O pelago[1] (d'o griego <πέλαγος, pélagos, «mar ubierto») u zona pelachica[1] ye, en os biomas acuaticos, a zona d'augua que no tiene contacto con o fondo. Se contraposa en toz os casos con o bentos u zona bentonica, que ye a zona d'augua estretament en contacto con o fondo.
En oceanografía, a zona pelachica tamién puet estar un termin contraposau con o de zona demersal (amanada a la costa). En iste caso, a zona bentonica u bentos se considera parte d'a zona demersal.
Vida en a zona pelachica
[editar | modificar o codigo]Os organismos que viven en a zona pelachica han d'estar adaptaus a nadar y tener control sobre a suya flotabilidat en l'augua. Por a manca de substrato en o cual adhibir-se, a mayoría d'os sers vivos que i viven son flotadors u nadadors, móbils, y no n'i hai de sésils.
Os organismos fotosinteticos tienen una fototaxia muit marcada que les fa salir d'a zona afotica pa aprofeitar a luz en as horas diurnas, mientres que atros sers vivos protagonizan migracions contrarias pa mirar-se l'alimento, que se diz migracions nictamerals. En toz es dos casos, a movilidat mas clara ye a que tienen ta alto y ta abaixo en a columna d'augua.
Muitos peixes son habitants destacaus d'a zona pelachica en a mar. Tamién i ha cnidarios, cefalopodos como os calamars y muitos tipos d'invertebraus menors.
Se veiga tamién
[editar | modificar o codigo]| Control d'autoridaz |
|
|---|
Datos: Q191468
- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.