Pedro Ara Sarria

De Biquipedia
Ir a la navegación Ir a la búsqueda
Pedro Ara Sarria
Eva Perón - Cadáver momificado con Dr Pedro Ara- 1953-55.jpg
Información personal
Calendata de naixencia 1898
Puesto de naixencia Flag of Aragon.svg Zaragoza (Aragón)
Calendata de muerte 1973
Puesto de muerte Flag of Argentina.svg Buenos Aires (Archentina)
Ocupación Medico y anatomista

Pedro Ara Sarria naixito de Zaragoza, en l'anyo 1898 y muerto en Buenos Aires, Archentina, en l'anyo 1973, fue un medico, doctor y anatomista aragonés que yera especializau en a conservación de piezas anatomicas con o proceso de parafinación dito asinas por a utilización de parafina. Aplicó ista tecnica ta a conservación de cuerpos de personaches famosos, como con os d'Eva Perón y Manuel de Falla.[1]

Licenciau en l'anyo 1917 y Doctor en Medicina y Cirurchía por a Universidat Complutense de Madrit en 1919.[1] En l'anyo 1925 dimpués d'una conferencia en Sevilla dos doctors d'a Facultat de Medecina d'a Universidat de Cordoba d'Archentina, que yeran en Espanya ta contratar un anatomista ta a suya universidat, lo convencioron ta treballar ta ells. Pedro Ara treballó como Director d'o Instituto Anatomico, Profesor Titular, en o Museu Anatomico d'a Universidat, dito en l'actualidat Museu Anatomico Pedro Ara y creó a Escuela d'Anatomía, a on que fizo amostranza d'as complicatas tecnicas ta a conservación de piezas anatomicas, en l'anyo 1932 torna ta Espanya dimpués de formar destacaus disciplos.[2] En Espanya yera titular d'a catedra d'a Universidat de Valencia en excedencia y aconsigue a catedra en a Universidat de Cádiz por treslau, aconsigue dimpués por oposicions a catedra en Madrit pero en 1939 torna a Archentina dica l'anyo 1964 que torna a Espanya y a la Residencia del Pinar d'o CSIC, a on que tutela a chovens investigadors.

Muere en Buenos Aires, Archentina, deixando 59 treballos d'anatomía y amostranza medica publicaus en castellán y qualques en francés, anglés y alemán.[3]

Bibliografía[editar | modificar o codigo]

Referencias[editar | modificar o codigo]

Vinclos externos[editar | modificar o codigo]