Paul Giamatti

Paul Giamatti
L'actor estausunidense Paul Giamatti en 2024.
Información personal
Nombre real	Paul Edward Valentine Giamatti
Calendata naiximiento:	6 de chunio de 1967
Puesto naiximiento:	New Haven (Connecticut, Estaus Unius)
Ocupación:	Actor Actor de voz Productor cinematografico
Alma Máter	Escuela de Drama d'a Universidat Yale
Pai	Angelo Bartlett Giamatti
Mai	Marilyn Smith
Conchuche:	Elizabeth Cohen ​(1997-?, esvurcio)
Fillos:	1
Premios Oscar
Premio Oscar a lo Millor Actor: -2024: Nominau por The Holdovers Premio Oscar a o Millor Actor Segundario: -2006: Nominau por Cinderella Man
Globos d'Oro
Premio Globo d'Oro a lo Millor Actor de Musical u Comedia: -2011: por Barney's Version -2024: por The Holdovers -2005: Nominau por Sideways Premio Globo d'Oro a lo Millor Actor Segundario: -2006: Nominau por Cinderella Man Premio Globo d'Oro a lo Millor Actor en Miniserie de Televisión u Telefilm: -2009: por John Adams Premio Globo d'Oro a lo Millor Actor Segundario en Serie de Televisión, Miniserie u Telefilm: -2012: Nominau por Too Big to Fail
Premios BAFTA
Premio BAFTA a lo Millor Actor: -2024: Nominau por por The Holdovers

Paul Edward Valentine Giamatti, naixiu de New Haven (Connecticut, Estaus Unius) o 6 de chunio de 1967, ye un actor, actor de voz y productor cinematografico estausunidense, activo en o cine estausunidense dende finals d'os anyos 1980 y que ha recibiu mientres a suya carrera cinematografica cuantos premios y nominacions. ye fillo d'Angelo Bartlett Giamatti, un profesor universitario de Literatura en a Universidat Yale, d'a cual en ye amás o suyo president, y ye tamién chirmano de l'actor Marcus Giamatti.

D'entre la suya filmografía como actor, se pueden mencionar bellas d'as suyas interpretacions en cintas como Mighty Aphrodite (1995, Woody Allen), Deconstructing Harry (1997, Woody Allen), The Negotiator (1998, F. Gary Gray), Big Momma's House (2000, Raja Gosnell), Planet of the Apes (2001, Tim Burton), Paycheck (2003, John Woo), American Splendor (2003, Shari Springer Berman y Robert Pulcini), Sideways (2004, Alexander Payne), Cinderella Man (2005, Ron Howard), The Illusionist (2006, Neil Burger), The Last Station (2009, Michael Hoffman), Barney's Version (2010, Richard J. Lewis), Rock of Ages (2012), 12 Years a Slave (2013, Steve McQueen), Straight Outta Compton (2015, F. Gary Gray), The Catcher Was a Spy (2018, Ben Lewin), A Mouthful of Air (2021, Amy Koppelman) u The Holdovers (2023, Alexander Payne).

Premios

Entre muitos atros premios, Paul Giamatti recibió dos nominacions a los Premios Oscar: a primera a lo Premio Oscar a o Millor Actor Segundario en 2006 por a suya interpretación en Cinderella Man (Ron Howard), en a 78^ena edición d'os Premios Oscar; y la segunda en 2024, ista vegada a lo Premio Oscar a lo Millor Actor, por o suyo papel en The Holdovers (Alexander Payne), en a 96^ena edición de ditor premios.

Tamién en 2024 recibió una atra nominación, en iste caso a lo Premio BAFTA a lo Millor Actor, nuevament por a suya actuación en The Holdovers (Alexander Payne), en a 77^ena edición d'os Premios BAFTA.

En os Premios Globos d'Oro ha teniu seis nominacions, tres d'as cuals s'han convertiu en premios, quedando las atras tres nomás que como nominacions. Asinas, en l'anyo 2005 recibió una nominación a lo Premio Globo d'Oro a lo Millor Actor de Musical u Comedia por Sideways (Alexander Payne), en a 62^ena edición d'os Premios Globos d'Oro; en 2006 recibió una nominación a lo Premio Globo d'Oro a lo Millor Actor Segundario por Cinderella Man, en a 63^ena edición d'os Premios Globos d'Oro; en 2009 ganó lo Premio Globo d'Oro a lo Millor Actor en Miniserie de Televisión u Telefilm por o suyo papel en a miniserie de televisión John Adams en a 66^ena edición; en 2011 recibió un Premio Globo d'Oro a lo Millor Actor de Musical u Comedia por Barney's Version en a 68^ena edición d'os premios; en 2012 fue nominau a lo Premio Globo d'Oro a lo Millor Actor Segundario en Serie de Televisión, Miniserie u Telefilm por Too Big to Fail en a 68^ena edición d'os Premios Globos d'Oro; y finalment en 2024 recibió lo suyo segundo Premio Globo d'Oro a lo Millor Actor de Musical u Comedia por The Holdovers, en a 81^ena edición d'os premios.

Filmografía

Cintas

Anyo	Títol d'a cinta	Director	Banda sonora	Elenco	Atros
[[]]	[[]]	[[]]	[[]]	[[]]

Series de televisión

Serie	Anyo	Episodio	Director	Elenco	Atros
[[]]	[[]]	[[]]	[[]]	[[]]

Se veiga tamién

• Cintas interpretadas por Paul Giamatti.

Vinclos externos

• Se veigan as imáchens de Commons sobre Paul Giamatti.
• (en) Paul Giamatti en Internet Movie Database.
• (en) Paul Giamatti en Internet Broadway Database.

• Datos: Q208649
• Multimedia: Paul Giamatti / Q208649