Patton

Patton
Títol	Patton
Ficha tecnica
Dirección	Franklin J. Schaffner
Aduyant de dirección	Eli Dunn José López Rodero
Dirección artistica	Urie McCleary Gil Parrondo
Producción	Frank McCarthy
Guión orichinal	Francis Ford Coppola Edmund H. North
Basau en	Patton: Ordeal and Triumph, de Ladislas Farago y A Soldier's Story, d'Omar Bradley
Musica	Jerry Goldsmith
Soniu	Don J. Bassman James Corcoran Theodore Soderberg Murray Spivack Douglas O. Williams Don Hall Don MacDougall
Fotografía	Fred J. Koenekamp
Montache	Hugh Fowler
Escenografía	Antonio Mateos Pierre-Louis Thévenet Emilio Ardura
Maquillache	Del Acevedo Daniel C. Striepeke John Chambers
Efectos especials	Alex Weldon Basilio Cortijo Hal Millar Fernando Pérez Paul Wurtzel L.B. Abbott Art Cruickshank
Casting	Michael McLean
Actors	George C. Scott Karl Malden David Bauer Edward Binns John Doucette Michael Strong Peter Barkworth Lawrence Dobkin Paul Stevens Morgan Paull Stephen Young James Edwards Tim Considine Michael Bates Jack Gwillim Gerald Flood John Barrie Frank Latimore Karl Michael Vogler Richard Münch Siegfried Rauch
Color	Color by DeLuxe
Datos y cifras
País(es)	Estaus Unius
Anyo	1970
Debantadera	4 de febrero de 1970 Nueva York (Nueva York, Estaus Unius).
Chenero(s)	Cine belico Cine biografico
Durada	172 min.
Idioma(s)	Anglés Francés Alemán Ruso Arabe
Companyías
Productora(s)	20th Century Fox
Distribución	20th Century Fox
Estudio(s)	Estudios Sevilla
Presupuesto	12,6 millons de dólars
Recauto	62,5 millons de dólars
Informacions en bases de datos especializadas:

Patton (títol orichinal d'a cinta, enguerada con ixe mesmo títol en Aragón) ye una cinta de cine biografico belico de cine estausunidense enguerada l'anyo 1970, dirichida por Franklin J. Schaffner seguntes un guión orichinal de Francis Ford Coppola y Edmund H. North (basau en os libros Patton: Ordeal and Triumph, de Ladislas Farago y A Soldier's Story, d'Omar Bradley), con una banda sonora orichinal de Jerry Goldsmith, una dirección de fotografía de Fred J. Koenekamp y una producción cinematografica de Frank McCarthy ta la productora cinematografica 20th Century Fox. Fan parte de l'elenco d'a cinta, entre d'atros actors, George C. Scott, Karl Malden, David Bauer, Edward Binns, John Doucette, Michael Strong, Peter Barkworth, Lawrence Dobkin, Paul Stevens, Morgan Paull, Stephen Young, James Edwards, Tim Considine, Michael Bates, Jack Gwillim, Gerald Flood, John Barrie, Frank Latimore, Karl Michael Vogler, Richard Münch y Siegfried Rauch.

Patton se centra en a vida d'o cheneral de l'exercito estausunidense que li da nombre a la cinta, George Patton, en o periodo que va dende l'anyo 1942 dica la suya muerte en 1945. Prencipia con a suya estada en Marruecos antis d'estar nombrau chefe d'o II Cuerpo d'Exercito dimpués d'a redota estausunidense en a batalla d'o paso de Kasserine, contina con o desembarco en Sicilia (Operación Husky) y con os suyos problemas dimpués d'abofetiar a un soldau en un hespital, pasa por a suya estada "castigau" en o Reino Uniu encargando-se d'aparentar que mandaba un exercito destinau a invadir Francia, sigue con o suyo mando d'o III Exercito en l'abance a traviés de Francia dica la muga con Alemanya y con a partecipación d'as suyas tropas en a batalla d'as Ardenas y remata con a suya postura en os momentos posteriors a la fin d'a guerra referent a la posibilidat d'una guerra con a Unión Sovietica y con a suya muerte.

A cinta s'ambienta en 1942, 1943, 1944 y 1945 en Casablanca, Rabat y atros puestos de Marruecos, Tunicia, Palermo y atros puestos de Sicilia en Italia, Malta, Londres, Cheshire y atros puestos d'o Reino Uniu, Corcega y atros puestos de Francia, Bastogne y atros puestos de Belchica y Alemania, y las suyas escenas se filmoron en Almería, Níjar y Tabernas (Andalucía), en o palacio Reyal d'a Granja, o palacio Reyal de Riofrío y Valsaín en San Ildefonso (Castiella y Leyón), en o palacio Reyal de Madrit (Comunidat de Madrit) y puestos de Navarra en Espanya, Knutsford (Cheshire) en o Reino Uniu, en as runas de Volubilis en Meknes (Marruecos), en Creta (periferia de Creta) en Grecia, en as runas de Timgad (provincia de Batna) en Alcheria y en puestos d'Italia, amás d'en os Estudios Sevilla en Madrit en a Comunidat de Madrit en Espanya.

Ye una cinta que ha recibiu cuantos premios y nominacions, en destacando siet Premios Oscar (Millor Cinta, Millor Director, Millor Actor, Millor Guión Orichinal, Millor Disenyo de Producción, Millor Montache y Millor Soniu) y tres nominacions (Millor Fotografía, Millor Banda Sonora Orichinal y Millors Efectos Visuals) en a suya 43^ena edición, dos nominacions a los Premios BAFTA (Millor Actor y Millor Soniu) en a suya 24^ena edición y un Premio Globo d'Oro (Millor Actor Dramatico) y dos nominacions (Millor Cinta Dramatica y Millor Director) en a suya 28^ena edición.

Elenco

Actor	Papel	Notas
[[]]	'

Se veiga tamién

• Cine en 1970.
• Cintas de 1970.

Vinclos externos

• (en) Patton en Internet Movie Database.
• (en) Patton en Box Office Mojo.
• (en) Patton en Rotten Tomatoes.
• (en) Patton en TCM Movie.
• (en) Patton en l'American Film Institute Catalog de l'American Film Institute.

• Datos: Q217220
• Multimedia: Patton (film) / Q217220