Parque Nacional de Fiordland

De Biquipedia
Ir a la navegación Ir a la búsqueda
Parque Nacional de Fiordland
Milford sound 2004.jpg
Milford Sound con o pico Mitre
Datos chenerals
Tipo Parque Nacional
Establito 1952
Superficie 12.500 km²
Situación
Situación Flag of New Zealand.svg Southland, Nueva Zelanda
Latitut
Lonchitut
Mapa
Fiordland NP.svg

O Parque Nacional de Fiorland (en anglés Fiordland National Park) ye un parque nacional situau en o estremo sudueste d'a Isla d'o Sud de Nueva Zelanda. Ye o mas gran d'os 14 parques nacionals de Nueva Zelanda, con una aria de 12.500 km2 y incluye a mayor parti de Te Wahipounamu, declarau Patrimonio d'a Humanidat. O parque ye administrau por o Departamento de Conservación de Nueva Zelanda.

Caracteristicas cheograficas[editar | editar código]

Mientres as glaciacions, as cheleras i formoron grans fiordos, estando o mas famoso (y mas visitau) Milford Sound. Atros fiordos importants son Doubtful Sound y Dusky Sound. Dende beluns d'os picos d'o Parque Nacional de Fiordland, s'alufra una polida anvista con o mont Aspiring (en maorí Tititea) a o luen.[1]

A costa de Fiordland se caracteriza por estar abrupta, con fiordos dende as vals d'o sud d'os Alpes d'o Sud y monts y sierras entre ells, como as sierras de Kepler y Murchison. En o estremo norte d'o parque se pueden trobar bells picos que blincan d'os 2.000 metros d'altaria.

O chelo a deseparau bellas islas d'a parti continental, deixando dos grans islas que se troban sin habitar, Secretary Island y Resolution Island. Quantos lacos son totalment o parcial aintro d'as mugas d'o parque, entre os que destacan o laco Te Anau, o laco Manapouri, o laco Monowai, o laco Hauroko, y o laco Poteriteri. O cascant de Sutherland Falls, a o sudueste de Milford Sound sobre o Milford Track, ye entre os altos d'augua mas alters d'o mundo.

Bi ha a ormino vientos d'aire humedo provinients d'a mar de Tasmania y que bufan enta os monts. O enfriamiento d'iste aire en puyar-ie produce una grandisma cantidat de plevia, estando mas de siet metros en muitas partis d'o parque. Isto aduya a la creyación d'a selva templada humeda d'a ecorrechión de Fiordland.

Referencias[editar | editar código]

  1. New Zealand Department of Tourist and Publicity. 1906

Vinclos externos[editar | editar código]