Parque Forestal d'Arratiecho
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre un parque forestal en Biescas; t'atros usos, se veiga Arratiecho.
| Parque d'Arratiecho | |
 Basetón en a dentrata | |
| Tipo | Parque Forestal |
| Establiu | |
| Superficie | |
| Situación |  Biescas, Alto Galligo
|
| Latitut | |
| Lonchitut | |
.png)  | |
O Parque Forestal d'Arratiecho ye un parque forestal situato en o municipio de Biescas. Se troba entre a villa y o fosal de Biescas y ye formato prencipalment por una chicota selva de pin royo, encara que tamién bi ha árbols d'atras especies.
Os eixemplars d'as diferents especies d'arbols son identificatos taxonomicament con chicotz cartels.
L'eixe prencipal d'o parque ye o barranco d'Arratiecho que lo trescruza de norte ta sud, formando en a suya parti norte una chicota estanca amán d'o cruce de camins entre o PR-HU 80 y o GR 15.
Dimpués d'a Guerra Civil, que destruyó de tot o nuclio urbán de Biescas y atros lugars d'a redolada, se facioron en Arratiecho faixas t'asentar o terreno y se repobló con pins.[1] En os zaguers anyos s'han sinyalato recorritos por o parque ta caminar y fer exercicio con bellas maquinas que s'han instalato.
Toponimia[editar | modificar o codigo]
O toponimo Arratiecho ya apareixe en a Carta de particion de las buegas de los terminos de Biescas e Gaujn[2] de l'anyo 1484, alcuerdo notarial ta fixar as mugas entre Biescas y Gavín, en iste documento lo trobamos como Arratiello.
Pareixe posible que iste toponimo faiga referencia a un chicot curso d'augua u "riatiello" como o barranco d'Arratiecho, habendo evolucionato a cheminata d'o sufixo -iello a una palatal africata.[3]
