Parasitismo
Lo parasitismo ye un tipo de relación entre dos seres vivos, en a cual un d'os participants, lo parasito, depende de l'atro, lo huespede, (tamién clamau ahuespador u anfitrión) y obtiene bel beneficio. En a mayoría d'os casos lo ahuespador recibe un danyo u perjuicio per parte d'o parasito en bel momento d'o ciclo. La ciencia que estudia los parasitos ye la parasitolochía.
Los parasitos que viven dentro de l'anfitrión u organismo ahuespador se dicen endoparasitos y aquels que viven difuera reciben lo nombre de ectoparasitos. Un parasito que mata a l'organismo an se hospeda ye clamau parasitoide. Como tot parasito sigue estando un organismo, puede veyer-se convertiu a la suya vegada en ahuespador d'una tercera especie, a lo parasito que parasita a unatro parasito se le gosa denominar hiperparasito.