Palacio Moika
| Palacio Moika Дворец Юсуповых на Мойке | |
|---|---|
 | |
| Situación cheografica | |
| Estau |  Rusia |
| País | |
| Situación | Sant Petersburgo |
| Adreza | |
| Coordenatas | |
| Archidiocesi | |
| Diocesi | |
| Arcipestrau | |
| Advocación | |
| Culto | |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | |
| Administrador | |
| Director | |
| Coste | {{{coste}}} |
| Visitable | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | |
| Estilo | Neoclasicismo |
| Función | |
| Catalogación | |
| Materials | |
| Construcción | |
| Construcción | 1770 |
| Fundador | |
| Inicio | |
| Fin | |
| Devantadera | |
| Destrucción | |
| Equipo disenyador | |
| Arquitecto | Jean-Baptiste Vallin de la Mothe |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
.svg)
Lo palacio Moika u palacio Yusúpov (en ruso : Дворец Юсуповых на Мойке, literalment lo palacio d'os Yusúpov sobre lo río Moika) estió la prencipal residencia en Sant Petersburgo, Rusia d'a Casa d'os Yusúpov. En este edificio estió asasinau Grigori Rasputin en l'anyo 1916 per quantos miembros d'a corte incluyiu lo principe Félix Yusúpov.
Historia
[editar | modificar o codigo]Lo palacio estió construyiu enta l'anyo 1770 per lo arquitecto francés Jean-Baptiste Vallin d'a Mothe. A lo largo d'os anyos diversos arquitectos de renombre facioron ampliacions y modificacions en lo palacio, estando conoixiu per la suya mescla d'estilos arquitectonicos. A. Mijáilov reconstruyió l'edificio en o decenio de 1830 quan los Yusúpov l'adquirioron. Ye en esta epoca que se le dió l'apariencia moderna que s'observa en l'actualidat.
Dende 1830 dica 1917, lo palacio perteneixió a la casa d'os Yusúpov, una familia de nobles rusos con una riqueza immensa, famosos per la suya filantropía y as suyas importants coleccions d'arte. Mientres la epoca d'a Rusia Imperial, lo palacio yera denominau lo Palacio Yusúpov.
La suya decoración y luxos interior no le iban a la zaga d'o que s'observaba per ixa epoca en os palacios reals. Lo palacio alochaba mas de 40.000 obras d'arte, incluyindo obras de Rembrandt, joyas y esculturas. La colección Yusúpov estió nacionalizada y tresladada a lo Hermitage y atros museos.
Ya en os primers mapas de Sant Petersburgo i heba un palacio de fusta en este puesto, chicot en ixe momento, y la propiedat d'a princesa Praskovya Ivanovna (sobrina de Pero I de Rusia ).
En 1726, la finca estió donada per lo rechimiento d'a princesa Semyonovsky, que remanió allí dica l'anyo 1742, dimpués estió mercada per lo cheneral P.I. Shuvalov, un noble influyent de Elizaveta Petrovna.
En un gravau de Makhaev, se veiga una imachen d'una estructura de dos pisos en l'emplazamiento de l'actual Palacio Yusupov.
En o decenio de 1770 se prencipió la construcción d'un edificio de palacio moderno disenyau per Jean-Baptiste Wallen-Delamot pa lo conde Andrei Petrovich Shuvalov.
A suya apariencia yera significativament diferent a la actual: nomás i heba dos pisos en os salients laterals y dende lo costau Moika i heba un arco de dentrada que conduciba a un patio; la dentrada prencipal d'o palacio yera dende lo patio. Las puertas trunfals, un arco (d'o costau d'a carrera Dekabristov) y una cleta de siet metros d'altura con una columnata clasica, s'han conservau sin cambios dende aquells tiempos.
En 1789, dimpués d'a muerte de Shuvalov, la casa pasó a la suya filla Alexandra y lo suyo fillo Pavel.
En 1795, Catalina II mercó la propiedat pa o tesoro y lo entregó a la sobrina de Gregorio Potemkin, la condesa A.V. Branitskaya , en ixe momento la suya amiga intima.
Se levó a cabo una important restructuración dende 1830 dica 1838 feita por l'arquitecto A. A. Mikhailov II en la que
las procheccions laterals se convertioron en tres pisos. S'erichió un nuevo edificio con o Salón d'a Columna Blanca en o costau este. Las alas se connectoron pa creyar galerías d'arte y un cine en casa barroco. Tamién se construyioron nuevos invernaderos y un pabellón de chardín. La escalera prencipal se construyió dende lo costau d'o Moika. Se creyoron los salones Ballroom, Green, Imperial y Blue. Mientres la restructuración, mayestros italians treballoron en os interiors, incluyius A. Vigi y B. Medici.
En lo periodo 1832-1834, lo arquitecto Mikhailov tamién enampló lo palacio con una extensión a lo largo d'o costau oriental d'unatro edificio, que conteneba cinco salas y un teatro.
En 1881, lo arquitecto A.D.Schilling construyió la Ilesia d'a Intercesión en o palacio que ha desapareixiu en l'actualidat.
En o periodo 1890-1916, estió levada a cabo una gran restauración interna d'o palacio, realizada baixo ladirección d'o arquitecto A. A. Stepanov. A primerías d'o decenio de 1890, s'instaloron en o palacio instalación electrica, encantarillau y augua corrient y calefacción central, se reconstruyió lo teatro y se creyó la sala d'estar morisca. En 1914, se creyoron lo Gran Salón y lo Minchador.
Lo palacio ye especialment famoso per las accions de Félix Yusúpov, lo zaguer principe que l'habitó. Se creye que la suya fortuna excedía a la d'o mesmo zar de Rusia. En Rusia, Yusúpov yera propietario de 57 palacios, incluyiu quatro palacios en Sant Petersburgo. Lo palacio sobre lo río Moika yera la residencia favorita d'o principe quan yera en a capital.
En iste lugar morió Raputín, y existen bellas diferencias d'opinión sobre los eventos en os quals muere. D'alcuerdo con los Yusúpov, en a nueit d'o 16 d'aviento de 1916, Félix Yusúpov de conchunta con o Gran Duque Dmitri Pávlovich d'a Casa de Románov, convidoron a Grigori Rasputin a lo palacio Moika. Aparentment le sirven a Rasputin tortas y vin tinto contaminau con cianuro, suposadament en cantidat suficient pa matar cinco hombres. Preocupau perque no s'observaban efectos d'o veneno en Rasputin, Yusúpov saca una pistola y le dispara a Rasputin en a esquena. Pensando que Rasputin heba muerto, se retiroron d'o recinto. Yusúpov torna a lo cabo d'un rato a la sala y descubre que Rasputin sigue vivo. Félix y los atros conspiradores li tornan a dispar, esta vegada dende muito curta distancia, tres vegadas mas, pero Rasputin encara continaba tractando d'incorporar-se y escapar. Desasperaus le apegan quantas vegadas a Rasputin con una barra de fierro en o tozuelo, l'embolican en un linzuelo, lo sacan de palacio y l'arrullan a lo río Moika. Suposadament la autopsia indicó que ni lo veneno, ni las multiples feridas de bala, ni los trucos estioron la causa d'a suya muerte, sino que murió de hipotermia. Gran parte d'o relato de Yusúpov ye considerau improbable.
Poco tiempo dimpués d'a muerte de Rasputin, se desencadena la Revolución rusa y una vegada que los Soviets se fan con o poder, confiscan las propiedatz d'os nobles. En 1925, lo palacio estió transferiu a lo Comisariado d'Educación d'a ciudat. Si bien la mayoría d'os palacios estioron convertius pa usos mundans, lo Comisariado d'Educación decidió preservar la mansión convertindo-la en un museo publico. En l'actualidat lo palacio ye denominau Palacio d'a Cultura d'os Educadores y tamién funciona como museo d'o asesinato de Rasputin.[1] Lo patio an Rasputin intentó fuyir d'os suyos asesinos en l'actualidat se troba ocupau per una plazoleta de chuegos d'un chardín de infantes.
Referencias
[editar | modificar o codigo]- ↑ (en) Yusupov Palace
Vinclos externos
[editar | modificar o codigo]
Se veigan as imáchens de Commons sobre Palacio Moika.- (en) Pachina web oficial.
Datos: Q2991838- Multimedia: Yusupov Palace on Moika / Q2991838