Pablo Echenique Robba

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Pablo Echenique
Pablo Echenique Robba

Actualment en o cargo
Dende o 8 de chinero de 2020
Precediu por Irene Montero

Secretario d'Acción de Gubierno, Institucional y Programa de Podemos
Actualment en o cargo
Dende o 4 de chunio de 2019
Precediu por Cargo creau
2 d'abril de 2016 – 4 de chunio de 2019
Precediu por Sergio Pascual
Succediu por Alberto Rodríguez Rodríguez
14 de febrero de 2015 – 13 de setiembre de 2017
Succediu por Nacho Escartín
Actualment en o cargo
Dende o 21 de mayo de 2019
18 de chunio de 2015 – 6 de setiembre de 2017
1 de chulio de 2014 – 14 de marzo de 2015
Naiximiento 28 d'agosto de 1978
Rosario, Archentina
Partiu Podemos
Conchuche María Alejandra Nelo Bazán
Profesión Cientifico titular en o Instituto de Química Física Rocasolano d'o Consello Superior d'Investigacions Cientificas (CSIC) y colaborador extraordinario en o Departamento de Fisica Teorica d'a Universidat de Zaragoza

Pablo Echenique Robba (Rosario, Archentina, 28 d'agosto de 1978) ye un cientifico y politico aragonés, d'orichen archentino, que tiene nacionalidat espanyola y archentina[1] Doctor en Ciencias Fisicas, en 2014 fue esleíto eurodeputato por a formación politica Podemos.

Biografía[editar | modificar o codigo]

Plegó ta Aragón cuan teneba 13 anyos y s'establió en Zaragoza con a suya madre Irma y a suya chirmana Analía. Endura atrofia muscular espinal —una malotía hereditaria y dechenerativa— dende que yera tasament un criet.[2] Por la dita razón, tiene una discapacidat d'o 88 % y se treslada en siella de ruedas. A suya discapacidat estió una d'as razons por as cuals a suya familia migró ta Aragón buscando mayors oportunidaz. Lo 9 d'agosto de 2012 se casó con María Alejandra Nelo Bazán, venezolana a la cual heba conoixida en a universidat cuan ella estudiaba lo doctorau.[1]

Carrera cientifica[editar | modificar o codigo]

Echenique se licenció en Ciencias Físicas en 2002 y obtuvo lo doctorado en a Universidat de Zaragoza en 2006 con a tesi A bottom up physical approach from small peptides to proteins.[3] Investigó con una beca postdoctoral en o Instituto de Biocomputación y Fisica de Sistemas Compleixos d'a Universidat de Zaragoza. En 2008, obtuvo lo premio Romper Barreras por l'adaptación d'o suyo despacho en a universidat.[4] Dende 2009, ye cientifico titular d'o CSIC en o Instituto de Química Física Rocasolano. Tamién ye colaborador extraordinario d'o departamento de Fisica Teorica d'a Universidat de Zaragoza.[2]

Periodismo y discapacidat[editar | modificar o codigo]

Junto con Raúl Gay, principió a escribir en eldiario.es lo blog De retrones y hombres,[2] prebando de romper estereotipos sobre lo mundo d'a discapacidat (lo termin retrón ye un neolochismo d'Echenique y Gay ta referir-se a los discapacitaus, encara que Echenique emplega tamién frecuentment l'adchectivo cascau). Una d'as suyas contrebucions en o blog, Discapacitado y mas feliz que tú... sí, que tú,[5] recibió en 2014 lo premio Tiflos de Periodismo en a categoría de Periodismo Dichital atorgau por la Organización Nacional de Ciegos Espanyols (ONCE) por a perspectiva nueva, que sobate lo debat, mueve ta la reflexión, con un lenguache dreito y vehement».[6]

Carrera politica[editar | modificar o codigo]

Tras la fundación de Podemos en chinero de 2014, Pablo Echenique s'embrecó en o nuevo partiu,[7] participando en a creyación d'o Cerclo Discapacidat,[8] y presentando-se como candidato en as primarias ta esleyir a lista ta as eleccions europeyas.[9] Los resultaus dieron a Podemos cinco cadieras, gracias a lo cual Echenique fue esleíto eurodeputato.[10] En febrero de 2015 fue esleíto primer Secretario Cheneral de Podemos en Aragón en primarias ubiertas y ye actualment deputato en as Corz d'Aragón dende lo 18 de chunio de 2015.

Referencias[editar | modificar o codigo]

  1. ↑ 1,0 1,1 El Mundo, 'El otro Pablo de Podemos' [1] consulta 4/12/2015.
  2. ↑ 2,0 2,1 2,2 Materia, [2] consulta 4/12/2015
  3. ↑ Universidat de Zaragoza [3] consulta 4/12/2015
  4. ↑ Heraldo de Aragón [4] consulta 4/12/2015
  5. ↑ eldiario.es [5] consulta 4/12/2015
  6. ↑ ONCE, [6] consulta 4/12/2015
  7. ↑ heraldo.es [7] consulta 4/12/2015
  8. ↑ eldiario.es [8] consulta 4/12/2015
  9. ↑ youtube [9] consulta 4/12/2015
  10. ↑ Ficha d'o Parlamento Europeyo [10] consulta 4/12/2015
Obteniu de "https://an.wikipedia.org/w/index.php?title=Pablo_Echenique_Robba&oldid=2077519"