Overland Pacific

Overland Pacific
Títol	Overland Pacific
Póster d'a cinta.
Ficha tecnica
Dirección	Fred F. Sears
Aduyant de dirección	William McGarry
Dirección artistica	Frank Paul Sylos
Producción	Edward Small
Guión adaptau	J. Robert Bren Gladys Atwater Martin Goldsmith
Basau en	una historia de Frederick Louis Fox
Musica	Irving Gertz
Soniu	Fred Lau
Fotografía	Lester White
Montache	Buddy Small
Escenografía	Edward G. Boyle
Efectos especials	Dave Koehler
Actors	Jock Mahoney Peggie Castle William Bishop Adele Jergens Pat Hogan Chris Alcaide Chubby Johnson Walter Sande House Peters Jr. Fred Graham
Color	Cinecolor
Datos y cifras
País(es)	Estaus Unius
Anyo	1954
Estreno	27 de febrero de 1954 Estaus Unius
Chenero(s)	Cine de western
Durada	73 min.
Idioma(s)	Anglés
Companyías
Productora(s)	Superior Pictures Inc. World Films, Inc.
Distribución	United Artists
Estudio(s)	Samuel Goldwyn Studios
Informacions en bases de datos especializadas:

Overland Pacific (títol orichinal, estrenada en Aragón con o títol en castellano d'Amenaza en las vías, en aragonés Menaza en as vías) ye una cinta de cine de western de cine estausunidense estrenada en 1954, dirichida por Fred F. Sears seguntes un guión adaptau por J. Robert Bren, Gladys Atwater y Martin Goldsmith (basau en una historia de Frederick Louis Fox), con una banda sonora orichinal d'Irving Gertz, una dirección de fotografía de Lester White y una producción cinematografica d'Edward Small ta las productoras Superior Pictures Inc. y World Films, Inc.. De l'elenco d'a cinta en fan parte, entre d'atros, os actors Jock Mahoney, Peggie Castle, William Bishop, Adele Jergens, Pat Hogan, Chris Alcaide, Chubby Johnson, Walter Sande, House Peters Jr. y Fred Graham.

Ross Granger viacha en una dilichencia cuan troban a un treballador muerto penchau en un poste telegrafico con una flecha clavada en o cuerpo. Lo baixan y lo puyan en a dilichencia, pero ista pierde lo cuerpo en o camín y Ross se baralla con o coductor ta obligar-lo a tornar entazaga y recuperar o calavre. Cuen plegan en o suyo destín, dentra en o Silver Dollar Saloon a on i troba a Del Stewart, un antigo amigo d'os tiempos d'a Guerra Civil Estausunidense, qui lo convita a cenar con él y con a suya novia, Ann Dennison. A mesacha ye filla d'o director d'o ferrocarril Overland Pacific, que tien problemas porque los treballos de construcción d'as vías se troban obstaculizaus por ataques d'os comanches. A lo día siguien, Del visita a lo pai d'Ann que ye fendo un estudio topograficos d'o trazau, y intenta convencer-lo de fer cambios en o suyo trazau; cuan se niega, un socio de Del l'asasina. Siultaniament, Granger prencipia a treballar como radiotelegrafista, encara que la convicción cheneral ye que ye una atra cosa y bien luegi se veye atrayiu a una trampa por o "sheriff", pero consigue matar a Jason, qui heba disparau contra él, encara que ha quedau greument feriu y lo "sheriff" creye que ha muerto. Consigue plegar sindembargo en casa d'Ann, a qui explica que ha matau a l'asasino de su pai, pro que Del ye complicau en una trama que quiere cambiar o trazau d'o ferrocarril ta que trescruce las suyas propiedaz y obtiengan beneficios. Bien luego Jessie Lorraine, una mesacha que treballa en o "saloon" y que ye enamorada de Del, revela dimpués de que iste l'haya feriu de muerte que Del ye tamién o responsable d'os ataques d'os comanches, que no quieren que lo ferrocarril trescruce las suyas tierras, y a qui subministra secretament armas.

A cinta s'ambienta en bel momento indeterminau d'a segunda metat d'o sieglo XIX en bel puesto igualment indeterminau de l'ueste d'os Estaus Unius, y las suyas escenas se filmoron en localizacions en California, amás d'en os Samuel Goldwyn Studios en West Hollywood, tamién en California.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• (en) Overland Pacific en Internet Movie Database.

• Datos: Q15633890