Open Range (cinta de 2003)

Iste articlo ye sobre una cinta de cine de western estausunidense estrenada l'anyo 2003; ta atros usos, se veiga Open Range.

Open Range
Títol	Open Range
Ficha tecnica
Dirección	Kevin Costner
Dirección artistica	Gary Myers
Producción	Kevin Costner Jake Eberts David Valdes
Disenyo de producción	Gae S. Buckley
Guión adaptau	Craig Storper
Basau en	The Open Range Men, novela de Lauran Paine (1990)
Musica	Michael Kamen
Soniu	James Bailey Steve Bartkowicz Stu Bernstein Barney Cabral Claudia Carle Matt Colleran Patrick Cyccone Jr. James Doyle Rickley W. Dumm Richard Dwan Jr. Glen Gauthier Peter Gleaves Michael Keller Nick Neutra Todd Niesen Perry Robertson Scott Sanders Adam Sharpe Frederick H. Stahly Trent Stewart Steve Switzer Kevin Zimmerman
Fotografía	J. Michael Muro
Montache	Miklos Wright
Escenografía	Mary-Lou Storey
Vestuario	John Bloomfield
Maquillache	Tania El Zahr Julie Hewett Joanne Jacobsen Pearl Louie Francisco X. Pérez Karla Pospisil Omar Roessler
Peluquería	Brenda Boutet Elle Elliott Cathy Olshaski Jon C. White
Efectos especials	Barry Cameron Scott Cameron Allan Cotter Mike Friesen Rocco Larizza Marc Lord Alan Love Gerry Martins Jim McFall Jim McGillivary Maurice Routly Robert Sheridan Bob Trevino David Neil Trifunovich Steve Wood
Casting	Mindy Marin
Actors	Robert Duvall Kevin Costner Annette Bening Michael Gambon Michael Jeter Diego Luna James Russo Abraham Benrubi Dean McDermott Kim Coates Herbert Kohler Jr. Peter MacNeill Cliff Saunders Patricia Stutz Julian Richings Ian Tracey Rod Wilson
Color	Kodakvision Panavision Technicolor
Datos y cifras
País(es)	Estaus Unius
Anyo	2003
Estreno	11 d'agosto de 2003 Estaus Unius
Chenero(s)	Cine de western Cine de drama Cine de romance
Durada	139 min.
Idioma(s)	Anglés
Companyías
Productora(s)	Touchstone Pictures Beacon Communications Tig Productions
Distribución	Buena Vista Pictures Distribution
Presupuesto	22 millons de dólars
Recauto	68,3 millons de dólars
Informacions en bases de datos especializadas:

Open Range (títol orichinal en anglés, en aragonés Pasturas libres, estrenada en Aragón con o suyo títol orichinal) ye una cinta de cine estausunidense de cine de western dramatico y romantico estrenada l'anyo 2003, dirichida por Kevin Costner seguntes un guión adaptau por Craig Storper (basau en The Open Range Men, una novela publicada por Lauran Paine en l'anyo 1990), con una banda sonora orichinal de Michael Kamen, una dirección de fotografía de J. Michael Muro y una producción cinematografica de Kevin Costner, Jake Eberts y David Valdes ta las productoras Touchstone Pictures, Beacon Communications y Tig Productions. Conta con un elenco d'actors d'o cual en fan parte, entre d'atros, Robert Duvall, Kevin Costner, Annette Bening, Michael Gambon, Michael Jeter, Diego Luna, James Russo, Abraham Benrubi, Dean McDermott, Kim Coates, Herbert Kohler Jr., Peter MacNeill, Cliff Saunders, Patricia Stutz, Julian Richings, Ian Tracey y Rod Wilson.

"Boss" Spearman ye un ganadero que conduz o suyo vacumen en 1882 en Montana a traviés de territorios de pasturas libres, aduyau por os suyos treballadors Charley Waite, Mose y Button. Charley ye un antigo soldau de l'exercito estausunidense mientres a Guerra Civil d'os Estaus Unius que ye acorau por a suya partecipación en mortaleras de soldaus y civils enemigos cuan feba parte d'una unidat de guerrilleros. Boss ninvía a Mose a un lugar amanau ta comprar-ie birolla, pero qui domina lo lugar ye Denton Baxter, un despiadau immigrant irlandés que odia a los vaqueros en veyer-se obligau por a lei a permitir que los rabanyos de vacas pasturen as suyas tierras, y Mose se veye atacau por hombres de Baxter y inchustament engarcholau amás por Poole, lo corrupto "sheriff" d'o lugar. Boss y Charley a la fin marchan en busca de Mose y en sacar-lo d'a garchola y veyer a gravedat d'as suyas feridas el levan enta lo medico d'o lugar, Barlow, aduyau por Sue, qui suposan que ye su muller, encara que Charley se siente atrayiu por ella. Ixa nueit os vaqueros padeixen un ataque pero consiguen fer reblar a los atacants, encara que Button tamién queda grieument feriu. El levan enta lo medico y capturan (con l'aduya de Percy, lo solo habitant d'o lugar que no ye pogoso de Baxter) a lo "sheriff" y a los suyos aduyants, zarrando-los en a suya propia garchola. Charley descubre que Sue no ye la muller d'o medico, so que la suya filla, y li declara lo suyo amor, que ye correspondiu. Tanimientres, Charley, Boss y Percy han de luitar con os hombres de Baxter.

A cinta s'ambienta en 1882 en Montana; y las suyas escenas se filmoron en Calgary, Longview, Morley y atros lugars d'Alberta en Canadá.

Se tracta d'una cinta que ha recibiu bels premios y nominacions, encara que garra d'éls no perteneixe a lo conchunto de premios mas conoixius u destacaus d'o panorama cinematografico internacional.

Elenco

Actor	Papel	Notas
	'

Se veiga tamién

• Cine en 2003.
• Cintas de 2003.

Vinclos externos

• (en) Open Range en Internet Movie Database.
• (en) Open Range en Rotten Tomatoes.
• (en) Open Range en Box Office Mojo.

• Datos: Q1546370