Onso (carnaval)

Pa atros usos d'a parola onso se veiga onso (desambigación).

L'onso chitau descansando

L'onso ye un personache tipico de bels carnavals tradicionals d'Aragón. En l'actualidat s'asocia prencipalment a o carnaval de Bielsa, encara que i hai referencias d'a suya presencia d'antis mas en as celebracions carnavalescas d'atras localidaz como Aquilué, Ansó, Otal, Tolva, Villanuga u Yesero.

Descripción

L'onso ye un animal propio d'o Pireneu y d'a suya mitolochía. En o carnaval se representa por un mesache que leva dencima un saco de rebasto, piels de uella y a cara pintada con follín. Portia dos tochos en as mans pa simular que tien cuatre garras. O domador u chitán leva una cuera y una cadena pa adugar a l'onso, a qui mete trucazos en a esquena mientres camina pesadament por as carreras d'o lugar.

Significau

En dispertar dimpúes d'haber estau fendo hibernada, l'onso representa a contraposición entre l'hibierno, que representa a muerte, y a primavera, que representa a vida. l'onso simboliza tamién a fuerza bruta d'a naturaleza.