One, Two, Three

One, Two, Three
Títol	One, Two, Three
Póster d'a cinta, obra de Saul Bass.
Ficha tecnica
Dirección	Billy Wilder
Aduyant de dirección	Thomas L. Miller
Dirección artistica	Alexandre Trauner
Producción	Billy Wilder
Disenyo de producción	Robert Stratil Heinrich Weidemann
Guión adaptau	I. A. L. Diamond Billy Wilder
Basau en	Egy, kettő, három, obra teatral de Ferenc Molnár (1929)
Musica	André Previn
Soniu	Basil Fenton-Smith Del Harris John Brommage
Fotografía	Daniel L. Fapp
Montache	Daniel Mandell
Efectos especials	Milt Rice
Actors	James Cagney Horst Buchholz Pamela Tiffin Arlene Francis Liselotte Pulver Hanns Lothar Howard St. John Leon Askin Ralf Wolter Peter Capell Karl Lieffen Hubert von Meyerinck Loïs Bolton Til Kiwe Henning Schlüter Karl Ludwig Lindt Friedrich Hollaender
Color	Blanco y negro
Datos y cifras
País(es)	Estaus Unius
Anyo	1961
Estreno	15 d'aviento de 1961 Los Angeles (California, Estaus Unius)
Chenero(s)	Cine de comedia Cine politico
Durada	104 min.
Idioma(s)	Anglés Alemán Ruso
Companyías
Productora(s)	The Mirisch Company Pyramid Productions, A. G.
Distribución	United Artists
Estudio(s)	Bavaria Studios
Presupuesto	2-3 millons de dólars
Recauto	4 millons de dólars
Informacions en bases de datos especializadas:

One, Two, Three (títol orichinal en anglés, en aragonés Un, dos, tres, estrenada en Aragón con o suyo títol traduciu enta lo castellano como Uno, dos, tres) ye una cinta de cine estausunidense de cine de comedia politica sobre la Guerra Fría estrenada l'anyo 1961, dirichida por Billy Wilder seguntes un guión adaptau por él mesmo y por I. A. L. Diamond (basau en Egy, kettő, három, una obra teatral de Ferenc Molnár de 1929 y tamién en o guión d'a cinta Ninotchka, con un guión coescrito por Billy Wilder), con una banda sonora orichinal d'André Previn, una dirección de fotografía de Daniel L. Fapp, una producción cinematografica d'o mesmo Billy Wilder ta las productoras The Mirisch Company y Pyramid Productions, A. G. y que conta con un elenco d'actors d'o cual en fan parte, entre d'atros, James Cagney, Horst Buchholz, Pamela Tiffin, Arlene Francis, Liselotte Pulver, Hanns Lothar, Howard St. John, Leon Askin, Ralf Wolter, Peter Capell, Karl Lieffen, Hubert von Meyerinck, Loïs Bolton, Til Kiwe, Henning Schlüter, Karl Ludwig Lindt y Friedrich Hollaender.

En o Berlín Occidental en 1961 mientres a Guerra Fría, CR "Mac" MacNamara ye un alto executivo de Coca-Cola que deseya ascender ta estar nombrau chefe d'operacions d'a companyía en Europa Occidental. Ye prebando de conseguir un alcuerdo con representants d'a Unión Sovietica ta introducir ixa marca de refresco en dito país cuan recibe una trucada telefonica de WP Hazeltine, lo suyo chefe en Atlanta (Cheorchia, en Estaus Unius), decindo-le que la suya conflictiva filla, Scarlett Hazeltine, de 17 anyadas, ye fendo un viache por Europa y plegará bien luego en Berlín y demanando-le que queda a lo suyo cudiau mientres a suya estada en a ciudat. Cuan plega la mesacha, la suya estada s'enampla dende las dos semanas previstas inicialment dica dos meses, y finalment Mac descubre lo motivo: Scarlett s'ha enamorau d'Otto Piffl, un choven militant comunista d'a Republica Democratica Alemana y s'ha casau en ixe país con él y como Otto marchará a estudiar a Moscú, ella marchará con él. Mac fa servir todas as suyas influencias ta conseguir fer desaparixer a preba d'o matrimonio d'os rechistros y amás consigue que arresten a Otto, acusau d'estar un espía alemán. Pero cuan creye qua ha rematau con o problema, descubre que Scarlett ye embarazada y amás li comunican que los pais d'a mesacha plegarán bien luego en Berlín. Asinas que nomás ha de consguir tornar a introducir o documento d'o matrimonio en os rechistros, obtener a libertat d'Otto y convertir-lo en un yerno acceptable ta Hazeltine, que ye un personache fundament conservador y anticomunista, porque de no conseguir tot ixo lo suyo futuro en Coca-Cola no existirá.

One, Two, Three s'ambienta en Berlín en a suya epoca actual (1961) mientres a Guerra Fría, y las suyas escenas se filmoron en ixa mesma ciudat de Berlín y en Múnich (Bavera), amás d'en os Bavaria Studios en Grünwald, tamién en Bavera.

Ye una cinta que ha recibiu cuantos premios y nominacions, en destacando una nominación a los Premios Oscar (Millor Fotografía en Blanco y Negro) en a suya 34^ena edición; y dos nominacions a los Premios Globos d'Oro (Millor Cinta de Comedia y Millor Actriz Segundaria) en a suya 19^ena edición).

Elenco

Actor	Papel	Notas
	'

Se veiga tamién

• Cine en 1961.
• Cintas de 1961.

Vinclos externos

• Se veigan as imáchens de Commons sobre One, Two, Three.
• (en) One, Two, Three en Internet Movie Database.
• (en) One, Two, Three en TCM Movie.

• Datos: Q1283810
• Multimedia: One, Two, Three / Q1283810