On the Waterfront

Iste articlo ye sobre una cinta estausunidense de drama de gángsters; ta atros usos, se veiga On the Waterfront (desambigación).

On the Waterfront
Títol	On the Waterfront
Póster d'a cinta.
Ficha tecnica
Dirección	Elia Kazan
Aduyant de dirección	Charles H. Maguire
Dirección artistica	Richard Day
Producción	Sam Spiegel
Guión orichinal	Budd Schulberg
Basau en	inspirau en Crime on the Waterfront, un articlo publicau en prensa por Malcolm Johnson
Musica	Leonard Bernstein
Soniu	James Shields
Fotografía	Boris Kaufman
Montache	Gene Milford
Maquillache	Fred Carlton Ryle Bill Herman
Peluquería	Mary Roche
Actors	Marlon Brando Eva Marie Saint Karl Malden Lee J. Cobb Rod Steiger Pat Henning Leif Erickson James Westerfield Tony Galento Tami Mauriello John F. Hamilton John Heldabrand Rudy Bond Don Blackman Arthur Keegan
Color	Blanco y negro
Datos y cifras
País(es)	Estaus Unius
Anyo	1954
Estreno	22 de chunio de 1954 Chapón 28 de chulio de 1954 Nueva York (Nueva York, Estaus Unius)
Chenero(s)	Cine de drama Cine de gángsters
Durada	108 min.
Idioma(s)	Anglés Latín
Companyías
Productora(s)	Horizon Pictures
Distribución	Columbia Pictures
Presupuesto	910.000 dólars
Recauto	9,6 millons de dólars
Informacions en bases de datos especializadas:

On the Waterfront (títol orichinal en anglés, en aragonés Frent d'a mar, estrenada en Aragón con o títol en castellano de La ley del silencio, en aragonés A lei d'o silencio) ye una cinta de cine de drama de gángsters de cine estausunidense estrenada l'anyo 1954, dirichida por Elia Kazan seguntes un guión orichinal de Budd Schulberg (inspirau en Crime on the Waterfront, un articlo publicau en prensa por Malcolm Johnson), con una banda sonora orichinal de Leonard Bernstein, una dirección de fotografía de Boris Kaufman, una producción cinematografica de Sam Spiegel ta la productora cinematografica Horizon Pictures y un elenco d'o cual en fan parte Marlon Brando, Eva Marie Saint, Karl Malden, Lee J. Cobb, Rod Steiger, Pat Henning, Leif Erickson, James Westerfield, Tony Galento, Tami Mauriello, John F. Hamilton, John Heldabrand, Rudy Bond, Don Blackman y Arthur Keegan, entre d'atros.

Terry Malloy ye un antigo boxiador que perdió de propio un combate cedendo a las órdens d'un mafioso irlandés, rematando asinas a suya carrera esportiva cuan yera una promesa d'o boxeyo. Agora ye enchufau como estibador en o puerto de Nueva York, cobrando sin treballar, a las órdens d'o mesmo mafioso (Johnny Friendly), de qui lo suyo chirmano ye un destacau colaborador y man dreita. Bel día ordenan a Terry que leve a lo suyo companyero Joey Doyle a lo terrau d'un edificio, sin saber que l'obchectivo ye aventar-lo y matar-lo, en estar amán de declarar contra Friendly. Terry se revifa con os asasins, pero lo fan callar con sobornos y menazas disimuladas. Ta lo funeral de Doyle plega Edie, la chirmana d'a victima, y ista y mosen Barry quieren convencer a los estibadors de que declaren contra Friendly, pero iste ataca la reunión y Terry (que i yera ta informar a Friendly) aduya a Edie a fuyir. Prencipia una relación entre toz dos, pero Terry no sabe que lo mosen ha convenciu a un estibador ta que declare, pero en saber-lo Friendly lo matan en un accident simulau. Edie y Barry preban de convencer a Terry ta que declare, y finalment iste confiesa lo suyo papel en a muerte de Joey, y Edie se distancia d'él. Friendly ninvía a Charles, lo chirmano de Terry, ta ufrir-li un soborno si no testifica, y en negar-se iste, asasinan a Charles, estando ixo l'empentón definitivo ta que Terry decida declarar, encara que ye menazau de muerte.

A cinta s'ambienta en a suya epoca actual (1954) en a ciudat de Nueva York y las suyas escenas se filmoron en Hoboken (Nueva Jersey) y en Nueva York (Nueva York).

On the Waterfront ye una cinta que ha recibiu cuantos premios y nominacions, en destacando ueito Premios Oscar en 1955 (Millor Cinta, Millor Director, Millor Actor, Millor Actriz Segundaria, Millor Guión Orichinal, Millor Dirección Artistica en Blanco y Negro, Millor Fotografía en Blanco y Negro y Millor Montache), amás de cuatre nominacions (tres nominacions a lo Millor Actor Segundario y Millor Banda Sonora Orichinal de Drama), en a 27^ena edición d'os Premios Oscar; un Premio BAFTA (Millor Actor Forano) y dos nominacions (Millor Cinta y Millor Actor Debutant) en 1955 mientres a 8^ena edición d'os Premios BAFTA; y cuatre Premios Globos d'Oro (Millor Cinta Dramatica, Millor Actor Dramatico, Millor Director y Millor Fotografía en Blanco y Negro) en 1955 mientres a 12^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1954.
• Cintas de 1954.

Vinclos externos

• Se veigan as imáchens de Commons sobre On the Waterfront.
• (en) On the Waterfront en Internet Movie Database.
• (en) On the Waterfront en l'American Film Institute Catalog de l'American Film Institute.
• (en) On the Waterfront en AllMovie.
• (en) On the Waterfront en TCM Movie Database.
• (en) On the Waterfront en Rotten Tomatoes.

• Datos: Q211372
• Multimedia: On the Waterfront (1954 film) / Q211372