Oclusiva velar sonora

A oclusiva velar sonora ye un tipo de soniu consonantico emplegau en cuantas luengas parladas. O simbolo en l'Alfabeto Fonetico Internacional que representa iste soniu ye /g/. Iste soniu ye present en o 90% d'os idiomas, incluyiu l'aragonés.

Caracteristicas

O suyo modo d'articulación ye oclusivo, lo que significa que se produce obstruyindo l'aire en o tracto vocal.
O suyo punto d'articulación ye velar, que significa que ye articulada con o postdorso d'a luenga y o velo.
O suyo tipo de fonación ye sonoro, que significa que ye producida con vibración d'as cuerdas vocals.
Ye una consonante oral, lo que significa que l'aire eslampa por a boca.
Ye una consonante central, que significa que ye producida permitindo a l'aire fluyir por a metat d'a luenga, en cuentas d'os cantos.

En aragonés iste soniu se representa:^[1]

Con o digrafo <gu>:
- Debant d'as vocals <e> y <i>: falaguera ([falaˈɡeɾa]), guixa ([ˈɡiʃa]).
Con o grafema <g>:
- Debant d'as vocals a, o y u y d'as consonants liquidas r y l, y d'o digrafo palatal ll: garra ([ˈɡarɾa]), agulla ([aˈɡuʎa]), chugar ([ˈtʃuɡar]), glarima ([ɡlaˈɾima]), grisa ([ˈɡrisa]). En as secuencias /gwe/, /gwi/, se marca con una dieresi pa indicar que la u no fa parte d'o digrafo <gu>: cigüenya ([θiˈɡwenja]), pingüino ([/piŋˈɡwino]).
- En atras posicions: amigdala ([amiɡˈðala]), gnostico ([ˈɡnɔstiko]), tuareg ([ˈtwaɾeɡ]).

Idioma	Palabra	AFI	Significau	Notas
Alemán	Lüge	[ˈlyːɡə]	mentida	Se veiga fonetica de l'alemán
Anglés	gasp	[ˈɡæsp]	ixafegazo	Se veiga fonetica de l'anglés
Aragonés	agulla	[aˈɡuʎa]	agulla	Se veiga fonetica de l'aragonés
Castellano	gato	[ˈɡato̞]	gato	Se veiga fonetica d'o castellano
Catalán	gros	[ˈɡɾɔs]	gran	Se veiga fonetica d'o catalán
Francés	gain	[ɡɛ̃]	pendient	Se veiga fonetica d'o francés