Nueit de Nadal
A nueit de Nadal[1] u vispra de Nadal[1] u tamién nueit de Navidat[1] u vispra de Navidat[1] ye una festividat amplament celebrada arredol d'o mundo a nueit antis de Nadal. Ye o día 24 d'aviento seguntes a tradición cristiana occidental y ye una d'as fiestas mas amplament celebradas d'Occident estando festivo en cuantos países.
As celebracions varían d'uns países ta atros, pero ye prou común celebrar una reunión familiar pa cenar y intercambiar presents. Se considera como una fiesta de caracter cultural y familiar, ya que muitas familias tamién se reunen a o marguin d'a celebración relichiosa.
Nueit de Nadal en Aragón
[editar | modificar o codigo]En a tradición aragonesa, a nueit de Nadal se celebraba menos que o mesmo día de Nadal. Por un regular se feba una cena mas bien frugal pa dimpués marchar-ne ta a misa d'o gallo. En tornar ta casa yera costumbre posar-se arredol d'a tronca, que se yera cremando en o fogaril y realizar un ritual de bendición d'ista. Unatra variant yera la de fer cagar a la tronca.[2]
En atros lugars se feba una reunión en a plaza a on se cantaba y minchaba arredol d'una foguera pa dimpués ir-se-ne toz chuntos ta misa d'o gallo. Tamién yera tradición que os chóvens salisen a rondar por as carreras tocando tringoletas y bebendo o poncho que les daban en as casas. Se creyeba tamién que as bruixas saliban ixa nueit a fer maldadas, especialment cuan a casa quedaba sola mientres os suyos habitants yeran en misa.[2]
Referencias
[editar | modificar o codigo]- ↑ 1,0 1,1 1,2 1,3 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.