Niespola

Detalle d'una niespola.

A niespola u nizpola (d'o latín < *mespila, femenino de < mespilu, con o mesmo significau) ye o fruito caracteristico d'as niespoleras, árbols fruitals d'a familia d'as rosacias y a tribu Maleae con fuellas y fruitos muit reconoixibles. Ye una fruita comestible y se cautiva pa consumo.

Dende o punto d'envista botanico, a niespola ye un pomo prou normal, piriforme, oblongo u elipsoide-oblongo, de bels 3–6 cm de largo por 1,5–5 cm de diametro. O fruito ye amariello u anaranchau, muit pocas vegadas arriba a estar soro u royisco. Cuan ye madura, a pulpa ye sucosa y dulce, y a pela ye glabra u una miqueta pilosa. En Europa se'n culle d'abril dica chunio.

Como tamién pasa con atras fruitas con estructura de pomo, a niespola puede tener mas d'un ruello adintro, que ye la simient. Isto pasa porque a flor de l'árbol gosa tener mas d'un ovulo en l'ovario (lo tipico ye dos) y, caso que a flor se fecunde, se desenvolica como dos endocarpios pretos la un contra l'atro en l'interior d'o fruito, que pueden tener mesmo midas diferents entre els.

Se veiga tamién

• Niespolera.
  • Eriobotrya japonica.
  • Mespilus germanica.
• Codonyo.
• Manzana.
• Pera.
• Figo.
• Garimbasta

Vinclos externos

• Se veigan as imáchens de Commons sobre as niespolas.

• Datos: Q7071497