Neptuno (mitolochía)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Neptuno
Neptuno, 1725, Agnolo Bronzino, Museu de Los Angeles California.
'
Mitolochía:	Mitolochía romana
Dios de:	d'as auguas
Información personal
Pai:	Saturno
Mai:	Ops
Conchuche:	Salacia
Chirmans:	Chupiter, Plutón, Chuno, Ceres y Vesta.
Fillos:	Halesos, Leucón y Tritón
Relacionau con:	Poseidón
Caracteristicas
Animal:	Caballo y delfín.
Simbolo:	Trident.

En a mitolochía romana, Neptuno ye o fillo mayor d'os dioses Saturno y Ops, chermano de Chupiter y Plutón. Neptuno gubierna todas as auguas y mars. Acaballa as olas sobre caballos blancos. Toz os habitants d'as auguas han d'obedeixer-lo y se lo conoixe como Poseidón en a mitolochía griega.

Neptuno trigó o mar como morada y en as suyas fonduras existe un reino de castiellos d'oro. Con o suyo poderoso trident sobate as olas, fa naixer fuents y manantials an quiera y cuan ye poseiu por a suya ira provoca os temibles tierratremos.

Iste dios ye un rei inseparable d'os suyos caballos. Por ista y mas razons, se le simboliza con un caballo.

O dios d'as mars ye un muit perigloso y inestable elemento, con as suyas emocions puede provocar dende terribles tronadas y tempestaz dica olas tranquilas y pacificas, por la cual cosa nunca dengún no intenta provocar-lo sin un important motivo.

En a Val d'Aude y en o Rosellón unas fadas d'as auguas dulzas que tienen a denominación de Nitas u Mitonas derivada d'o nombre de Neptuno.

Mencions en fuents aragonesas

Son pocos os textos en aragonés medieval que mencionen a lo dios d'a mar. Entre os pocos en tenemos a traducción aragonesa de "Vidas Semblants":

Et poresto el ordeno aq(ue)lla fiesta / & por(e)l lugar la clama ystinia / Et la fiesta d(e)los Olimpios es de jupit(er) mas la fiesta d(e)los ystinios es de Neptuno / mas algu(n)os dize(n) q(ue) la fiesta d(e)los ystinios no(n) era por Neptuno / mas por Squiro(n) / por limpiamje(n)to d(e)la contaminacio(n) d(e)l homicidio

[E]dra por(e)l t(iem)po passado escondio la u(er)dadera generacio(n) de theseo / & pitheo metio vna fama que theseo era engendrado de Neptuno

Vinclos externos

• Se veigan as imáchens de Commons sobre Neptuno (mitolochía).

• Datos: Q3954
• Multimedia: Neptune (god) / Q3954