Neotantra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Neotantra ye una interpretación occidental moderna d'o tantra asociada con nuevos movimientos relichiosos como lo New Age y las interpretacions occidentals modernas d'o sexo tantrico hindú y budista tradicional. Beluns d'os defensors se refieren a textos y prencipios antigos y tradicionals,[1] y muitos atros fan servir o tantra como una frase cheneral pa la "sexualidat sagrada", y pueden incorporar practicas poco ortodoxas. Amás, no toz os elementos d'as practicas tantricas indias se fan servir en o neotantra, en particular a confianza en un gurú.
A medida que l'intrés per o Tantra ha creixiu en Occident, a suya percepción s'ha esbarrau d'as tradicions tantricas. Estió visto como un culto a l'extasi, que combina la sexualidat y la espiritualidat pa cambiar as actituz occidentals enta lo sexo.[2] Per tanto, pa muitos lectors modernos, o tantra agora ye sinonimo de sexo espiritual u sexualidat sagrada, una creyencia que lo sexo ha de reconoixer-se como un acto sagrau capable d'elevar a los suyos participants a un plano espiritual superior.
Diferencias entre lo tantra tradicional y lo neotantra[editar | modificar o codigo]
I hai cualques diferencias caracteristicas entre lo tantra en o sentiu d'a tradición india y lo neotantra:
- Mientres que lo tantra tradicional ye una amostranza secreta en a cual nomás s'encomenzan unas pocas personas, que han de pasar per un luengo proceso d'ardua superación espiritual (o tantra serioso requiere anyos d'estudio intensivo) as percepcions neotantricas se fan accesibles pa toz, ya sía en publicaciones d'o mercau de libros en cheneral, ya sía en cursos de tantra.[3]
- Si bien l'orgasmo (particularment l'orgasmo masculín) no ye parti d'o repertorio central en o tantra tradicional y se retiene, en o neotantra se considera acceptable, si no deseyable: o ritual en sí tien como obchectivo prencipal obtener placer.[4]
- En o tantra tradicional, l'obchectivo zaguer ye aconseguir a elevación espiritual, un estau trascendental d'unión d'os prencipios masculín y femenín.[5] En o neotantra, per atro costau, a ormino se trafuca la elevación espiritual con un estau elevau de placer sensual, con sexo sagrau.
Referencias[editar | modificar o codigo]
- ↑ (en) Yoga Spandakarika: The Sacred Texts at the Origins of Tantra, Daniel Odier (2004)
- ↑ (en) Urban, Hugh (2003). Tantra : sex, secrecy politics, and power in the study of religions. Berkeley: University of California Press. ISBN 978-0-520-23062-0.pp. 204–205
- ↑ (en) D.E. Osto: An Indian Tantric Tradition and Its Modern Global Revival: Contemporary Nondual Shaivism. Routledge, New York 2020, ISBN 978-1-00-300779-1, p. 19
- ↑ (en) Georg Feuerstein: Traditional Tantra and Contemporary Neo-Tantrism. Traditional Yoga Studies, 1995
- ↑ (en) David Gordon White: Kiss of the Yoginī. “Tantric Sex” in its South Asian Context. The University of Chicago Press, Chicago 2003, ISBN 978-0-226-89484-3.