Mystic River (cinta)

Iste articlo ye sobre una cinta estausunidense de cine negro d'intriga dramatica estrenada en 2003; ta atros usos, se veiga Mystic River.

Mystic River
Títol	Mystic River
Ficha tecnica
Dirección	Clint Eastwood
Dirección artistica	Jack G. Taylor Jr.
Producción	Clint Eastwood Robert Lorenz Judie G. Hoyt
Disenyo de producción	Henry Bumstead
Guión adaptau	Brian Helgeland
Basau en	Mystic River, novela de Dennis Lehane (2001)
Musica	Clint Eastwood
Fotografía	Tom Stern
Montache	Joel Cox
Escenografía	Richard C. Goddard
Vestuario	Deborah Hopper
Maquillache	Mary Ellen James Tania McComas Juliet Loveland
Peluquería	Jerry DeCarlo Carol A. O'Connell
Casting	Phyllis Huffman
Actors	Sean Penn Jason Kelly Tim Robbins Cameron Bowen Kevin Bacon Connor Paolo Laurence Fishburne Marcia Gay Harden Laura Linney Tom Guiry Spencer Treat Clark Andrew Mackin Emmy Rossum Jenny O'Hara Kevin Chapman Adam Nelson Robert Wahlberg Cayden Boyd John Doman Tori Davis Jonathan Togo Will Lyman Ari Graynor Ken Cheeseman
Color	Panavision Technicolor
Datos y cifras
País(es)	Estaus Unius Australia
Anyo	2003
Estreno	23 de mayo de 2003 Festival Internacional de Cine de Canas (Canas, Alpes Maritimos, Francia) 3 d'octubre de 2003 Festival de Cine de Nueva York (Nueva York, Nueva York, Estaus Unius) 20 de noviembre de 2003 Australia
Chenero(s)	Cine negro Cine d'intriga Cine de drama
Durada	138 min.
Idioma(s)	Anglés
Companyías
Productora(s)	Village Roadshow Pictures Malpaso Productions NPV Entertainment
Distribución	Warner Bros. Pictures
Presupuesto	25-30 millons de dólars
Recauto	156,6 millons de dólars
Informacions en bases de datos especializadas:

Mystic River (títol orichinal en anglés, en aragonés Río mistico, estrenada en Aragón con o suyo títol orichinal) ye una cinta de cine negro d'intriga dramatica coproducida por o cine estausunidense y lo cine australiano estrenada l'anyo 2003, dirichida por Clint Eastwood seguntes un guión adaptau por Brian Helgeland (basau en Mystic River, una novela publicada por Dennis Lehane en 2001), con una banda sonora orichinal de Clint Eastwood, una dirección de fotografía de Tom Stern, una producción cinematografica de Clint Eastwood, Robert Lorenz y Judie G. Hoyt ta las productoras Village Roadshow Pictures, Malpaso Productions y NPV Entertainment, y un elenco d'o cual en fan parte Sean Penn, Jason Kelly, Tim Robbins, Cameron Bowen, Kevin Bacon, Connor Paolo, Laurence Fishburne, Marcia Gay Harden, Laura Linney, Tom Guiry, Spencer Treat Clark, Andrew Mackin, Emmy Rossum, Jenny O'Hara, Kevin Chapman, Adam Nelson, Robert Wahlberg, Cayden Boyd, John Doman, Tori Davis, Jonathan Togo, Will Lyman, Ari Graynor y Ken Cheeseman, entre d'atros actors.

Jimmy Markum, Sean Devine y Dave Boyle son tres ninos amigos que en 1975 viven en un barrio de clase baixa en Boston (Massachusetts) cuan dos depredadors sexuals secuestran a Dave y mientres cuatre días, dica que consigue fuyir, lo violan terne que terne. En a epoca actual d'a cinta (2003) os tres antigos amigos s'han distanciau: Jimmy ha esta en a garchola y agora tien una chicota botiga, Sean ye un policía de Massachusetts a qui la suya muller embarazada ha albandonau, y Dave ye un treballador manual encara traumatizau por a suya experiencia como victima y que está casau con una prima d'a muller de Jimmy. Katie ye la filla adolescent de Jimmy y tien preparada la suya fuga con o suyo novio secreto, fillo d'un hombre a qui su pai aborreixe, pero ixa nueit cuan tornaba en l'auto enta casa ye asasinada. Dave ha tornau a casa ixa nueit ensangrentau y explicando a su muller que ha feriu greument a un asaltant en defensa propia. Prencipia una carrera entre lo policía Sean investigando l'asasinato, Jimy en busca de venganza y Dave que mica en mica pareixe estar cada vegada mas culpable y encorralau, dica lo punto que su muller piensa que ye culpable y li explica tot a Jimmy.

A cinta s'ambienta en dos momentos historicos diferents (1975 y la suya epoca actual, 2003), toz dos en a ciudat de Boston (Massachusetts), y las suyas escenas se filmoron en Boston, Canton, Charlestown y Chelsea (Massachusetts) y Los Angeles (California).

Se tracta d'una cinta que ha recibiu cuantismos premios y nominacions, en destacando dos Premios Oscar (Millor Actor y Millor Actor Segundario) y atras cuatre nominacions (Millor Cinta, Millor Director, Millor Actriz Segundaria y Millor Guión Adaptau en 2004 mientres a 76^ena edición d'ixos premios; cuatre nominacions a los Premios BAFTA (Millor Actor, Millor Actor Segundario, Millor Actriz Segundaria y Millor Guión Adaptau en 2004 mientres a 57^ena edición d'os Premios BAFTA; un Premio César a la Millor Cinta Forana en 2004 mientres a 29^ena edición d'os Premios César; una nominación a lo Premio d'o Cine Europeu a la Millor Cinta No Europea en 2003 mientres a 16^ena edición d'os Premios d'o Cine Europeu; y dos Premios Globos d'Oro (Millor Actor Dramatico y Millor Actor Segundario), amás d'atras tres nominacions (Millor Cinta Dramatica, Millor Director y Millor Guión) en 2004 mientres a 61^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 2003.
• Cintas de 2003.

Vinclos externos

• (en) Mystic River en Internet Movie Database.
• (en) Mystic River en Box Office Mojo.
• (en) Mystic River en Rotten Tomatoes.
• (en) Mystic River en Metacritic.

• Datos: Q221586