Mutiny on the Bounty (cinta de 1962)

Iste ye un articlo d'una cinta estausunidense de drama d'aventuras historicas epicas estrenada en l'anyo 1962; ta atros usos, se veiga Mutiny on the Bounty.

Mutiny on the Bounty
Títol	Mutiny on the Bounty
Póster d'a cinta, obra de Reynold Brown.
Ficha tecnica
Dirección	Lewis Milestone
Aduyant de dirección	Ridgeway Callow
Dirección artistica	George W. Davis J. McMillan Johnson
Producción	Aaron Rosenberg
Guión adaptau	Charles Lederer
Basau en	Mutiny on the Bounty, novela de Charles Nordhoff y James Norman Hall de 1932 basada en feitos reals
Musica	Bronisław Kaper
Soniu	Franklin Milton Van Allen James Milo B. Lory
Fotografía	Robert L. Surtees
Montache	John McSweeney Jr.
Escenografía	Henry Grace Hugh Hunt
Vestuario	Moss Mabry
Maquillache	William Tuttle John Truwe
Peluquería	Mary Keats
Casting	Irene Howard
Actors	Marlon Brando Trevor Howard Richard Harris Hugh Griffith Richard Haydn Tarita Tim Seely Percy Herbert Gordon Jackson Noel Purcell Duncan Lamont Chips Rafferty Ashley Cowan Eddie Byrne Keith McConnell Frank Silvera
Color	Technicolor
Datos y cifras
País(es)	Estaus Unius
Anyo	1962
Estreno	8 de noviembre de 1962 Estaus Unius
Chenero(s)	Cine de drama Cine d'aventuras Cine historico Cine epico
Durada	178 min.
Idioma(s)	Anglés Polinesio Francés Neerlandés
Companyías
Productora(s)	Arcola Pictures
Distribución	Metro-Goldwyn-Mayer
Estudio(s)	Metro-Goldwyn-Mayer Studios Hal Roach Studios
Presupuesto	17-19 millons de dólars
Recauto	13,7 millons de dólars
Informacions en bases de datos especializadas:

Mutiny on the Bounty (títol orichinal en anglés, en aragonés Motín en a Bounty, estrenada en Aragón con o títol de Rebelión a bordo) ye una cinta de cine estausunidense de cine de drama d'aventuras historicas epicas estrenada l'anyo 1962, dirichida por Lewis Milestone seguntes un guión adaptau por Charles Lederer (basau en a novela Mutiny on the Bounty, que heban publicau Charles Nordhoff y James Norman Hall en l'anyo 1932 y que a la vegada yera basada en feitos reals), con una banda sonora orichinal de Bronisław Kaper, una dirección de fotografía de Robert L. Surtees y una producción cinematografica d'Aaron Rosenberg ta la productora cinematografica Arcola Pictures. Fan parte de l'elenco d'actors d'a cinta Marlon Brando, Trevor Howard, Richard Harris, Hugh Griffith, Richard Haydn, Tarita, Tim Seely, Percy Herbert, Gordon Jackson, Noel Purcell, Duncan Lamont, Chips Rafferty, Ashley Cowan, Eddie Byrne, Keith McConnell y Frank Silvera, entre d'atros.

En 1787 o barco HMS Bounty, d'a Royal Navy, marcha dende Anglaterra enta Tahiti baixo lo mando d'o capitán William Bligh, con a misión de recullir-ie eixemplars de l'árbol d'o pan ta posteriorment levar-los enta Chamaica, con a finalidat d'estar una birolla barata destinada a alimentar a los esclavos d'as plantacions de zucre de dita colonia britanica. Bligh ye experimentau y competent, pero a la vegada tamién ye arrogant y desdenyoso con a suya tripulación, estando amás obsesionau con cumplir a suya misión por dencima de tot y sin importar o pre. As suyas formas de tractar a la tripulación poquet a poquet el fan topar con o suyo segundo, lo tenient Fletcher Christian, con discusions mesmo por o camín a seguir, cuan Bligh decide trescruzar o perigloso cabo d'Hornos y no lo consiguen, culpando Bligh a la inexperiencia d'a tripulación. O feito de marchar como ruta alternativa enta l'oceano Indico els fa perder tiempo, ta desespero de Bligh. Malas que plegan enta Tahiti os tripulants confraternizan con as mullers d'a isla, con una concepción bien diferent d'a sexualidat que la richida moral britanica de Blight, y cuan o tenient Fletcher se relaciona con Mauatua, a filla d'o rei Pōmare I, apareixen nuevas tensions, que augmentan cuan en prohibir Bligh ixos contactos o rei se queixa de que se fa de menos a su filla en refusar-la. Os niervos de Blight augmentan tamién en conoixer que por a biolochía de l'árbol d'o pan han d'asperar bel tiempo antes de poder arrancar árbols ta trasplantar-los ta lo viache. Bels miembros d'a tripulación preban de desertar, pero Christian els persigue y captura, ordenando Blight que s'encadenen. Blight aplena lo barco con plantas, reducindo ta ixo l'augua dulce que lo barco puet transportar y augmentando lo consumo ta subsistencia d'os árbols, con a cual cosa bien luego se reduz a lo minimo l'augua a disposición d'a tripulación, que padeixe una gran set. A la fin esclata una baralla entre Christian y Blight, en a cual o primero asume lo mando d'o barco y fa fuera en una chalupa a lo capitán y a los oficials y mariners que el refirman. Dimpués torna enta Tahiti y marcha, con bellas mullers d'a isla y bels nativos, en busca de bella isla a on vivir-ie, luent d'as posible represalias. A la vegada, Blight y lo suyo grupo tornan enta Anglaterra, a on se i fa un chudicio ta investigar as causas d'o pierde d'o suyo barco.

A cinta s'ambienta en 1787 en Anglaterra, en l'oceano Atlantico, en l'oceano Indico, en l'oceano Pacifico y en Tahiti en l'actual Polinesia Francesa. As suyas escenas se filmoron en a Polinesia Francesa (Bora Bora, Moorea y Tahiti) y en Hawaii (incluyindo-ie Honolulu) y puestos de California (incluyiendo-ie Santa Barbara) en os Estaus Unius, amás d'en os Metro-Goldwyn-Mayer Studios y los Hal Roach Studios en Culver City (California).

Mutiny on the Bounty ye una cinta que ha recibiu cuantos premios y nominacions, en destacando siete nominacions a los Premios Oscar (Millor Cinta, Millor Dirección Artistica en Color, Millor Fotografía en Color, Millor Montache, Millor Banda Sonora Orichinal, Millor Canción Orichinal y Millors Efectos Visuals) en 1963 mientres a 35^ena edición de ditos premios; u dos nominacions a los Premios Globos d'Oro (Millor Cinta Dramatica y Millor Actriz Segundaria) ixe mesmo anyo mientres a 20^ena edición d'os Premios Globos d'Oro.

Elenco

Actor	Papel	Notas
	'

Se veiga tamién

• Cine en 1962.
• Cintas de 1962.

Vinclos externos

• Se veigan as imáchens de Commons sobre Mutiny on the Bounty.
• (en) Mutiny on the Bounty en Internet Movie Database.
• (en) Mutiny on the Bounty en l'American Film Institute Catalog de l'American Film Institute.
• (en) Mutiny on the Bounty en Box Office Mojo.
• (en) Mutiny on the Bounty en Rotten Tomatoes.

• Datos: Q59084
• Multimedia: Mutiny on the Bounty (1962 film) / Q59084