Museu de Tapices d'a Seu de Zaragoza

De Biquipedia
Museu de Tapices d'a Seu de Zaragoza
Tapiz d'a Expedición de Bruto ta Aquitania
Situación
Coordenatas {{{Coordenadas}}}
País Aragón
Ciudat Zaragoza
Información cheneral
Tipo {{{Tipo}}}
Director
Construcción
Debantadera 1932
Superficie
Horario - Luns a sabado:
10:00–14:30 / 16:00–20:00 (Sabados con voda dica las 12:30)
- Domingos y festivos con culto:
10:00–12:00 / 16:00–20:00
Vesitants
Adreza Plaza d'a Seu, u
50001 Zaragoza
Telefono
Pachina web Pachina web

O Museu de Tapices d'a Seu de Zaragoza ye un museu de tapices situau en l'antigo archivo d'a Seu d'o Salvador de Zaragoza.

O Museu expone parti d'a important colección (actualment se i amostran 23), composada por 63 tapices d'os sieglos XV, XVI y XVII, teixius en os famosos tallers europeus d'Arrás, Tournai y Bruselas. Beluns d'istos fuoron donaus a o Cabildo por arcebispes de Zaragoza como Alonso d'Aragón u Andrés Santos, estando beluns procedents d'as coleccions reyals d'os monarcas aragoneses.[1] O museu permite veyer cuantas epocas d'evolución de l'arte d'o tapiz, por o que se puet considerar una d'as mas relevants y completas coleccions en l'ambito internacional. O Museu tenió o suyo orichen en 1932 y actualment conta con tres salas d'exposición permanente y una sala de depositos.[2] En o Museu se pueden veyer amás, cuantas piezas d'orfebrería, pinturas, ornamentos sagraus, esculturas, etc. En un almadacén u deposito ubicau en o mesmo museu se guardan a resta d'os tapices d'a colección, beluns d'éls encara sin restaurar.

Os tapices[editar | modificar o codigo]

Funcions[editar | modificar o codigo]

Os tapices d'a Seu han serviu a o largo d'os sieglos pa decorar os espacios publicos y privaus y dar solemnidat a bels actos civils y relichiosos como vodas u coronacions. En concreto, ye documentau o costumbre dende o sieglo XV de penchar as telas en a seu mientres tot l'anyo liturchico, costumbre que se restrinchió posteriorment a o monumento de Semana Santa, practica que se prolargó dica a decada de 1970.[3]

Series de tapices[editar | modificar o codigo]

Exaltación d'Ester a la cadiera reyal de Persia

Os tapices mas antigos presents en o Museu corresponden a la serie d'A Pasión, con dos tapices dataus en o primer tercio d'o sieglo XV: Misterios d'a Pasión dica a preparación en a Cruz tamién conoixiu como Historia d'a Pasión, y A Crucifixión y a Resurrección.[4] Istos tapices siguen con fidelidat o dito "estilo d'Arrás", creyau por o conoixiu centro licero d'ista localidat francesa d'a rechión de Flandres, que produció as suyas obras en a primera metat d'o sieglo XV.

D'a segunda metat d'o sieglo XV datan atras tres series caracterizadas por a suya adscripción a o "estilo de Tournai", por situar-se en ista ciudat un importante taller flamenco a o que s'atribuye un eixemplar en a Seu: o tapiz d'a Expedición de Bruto ta Aquitania, conoixiu como o tapiz d'As Naus.

As series mas destacadas d'a colección catedralicia de tapices, ordenadas cronolochicament, son:

  • Serie A Pasión (tapices franceses, estilo d'Arrás, primer tercio d'o sieglo XV):
    • Misterios d'a Pasión dica a preparación en a Cruz
    • A Crucifixión y a Resurrección.
  • Serie As Naus (taller de Tournai, segunda metat d'o sieglo XV):
    • Expedición de Bruto ta Aquitania u As Naus.
  • Serie Asuero y Ester (estilo de Tournai, segunda metat d'o sieglo XV):
    • Banquet d'Asuero
    • Exaltación d'Ester a la cadiera reyal de Persia
    • Intriga d'Aman.
  • Serie A Exaltación d'a Santa Cruz (estilo de Tournai, segunda metat d'o sieglo XV):
    • Captividat d'a Santa Cruz
    • Exaltación d'a Santa Cruz.
  • Serie Historia de Chefté (estilo de Tournai, segunda metat d'o sieglo XV):
    • Voto de Chefté.
  • Serie Historia de Sant Chuan Baptista (tapices flamencos, taller de Bruselas, primera decada d'o sieglo XVI)
    • O Baptista en o Chordán
    • Baptismo de Chesucristo
    • Sant Chuan Baptista debant d'Herodes. A suya prisión.
  • Serie Historia d'a Virchen (tapices flamencos, primera metat d'o sieglo XVI):
    • Exaltación de María Mai de Dios.
  • Serie Chesucristo. Simbolismo biblico y misterios de Mana (tapices flamencos, primera metat d'o sieglo XVI):
    • Glorificación de Chesucristo
    • Resurrección de Lazaro
  • Serie Simbolismo biblico (tapices flamencos, primera metat d'o sieglo XVI):
    • Presentación d'Ester debant d'Asuero
    • Esposallas de Sant Chuaquín y Santa Ana.
  • Serie Historia de Chusé (tapices flamencos, primera metat d'o sieglo XVI):
    • Chusé vendiu por os suyos chirmans en fegura de Chesucristo vendiu por Chudas.
  • Serie Guerra de Troya (tapices flamencos, tallers de Bruselas, primera metat d'o sieglo XVI):
    • Duelo de Paris y Menelau
    • Chudicio de Paris
  • Serie Historia de Troya (tapices flamencos, escuela de Van Roome, primera metat d'o sieglo XVI):
    • Matrimonio d'Helena con Paris
    • Sacrificio d'Agamenón
    • Discordias y celos
  • Serie Historia de Davit y Betsabé (tapices flamencos, escuela de Van Roome, primera metat d'o sieglo XVI):
    • Davit recibe a Betsabé
    • Coronación de Betsabé por Salomón
  • Serie Vicios y Virtuz (tapices flamencos, escuela de Van Roome, primera metat d'o sieglo XVI):
    • O pecau orichinal y as suyas consecuencias en a vida de l'hombre
    • Os pecaus capitals
    • Chudicio Final[5]
  • Serie Historia de Moisen (tapices flamencos, segunda metat d'o sieglo XVI):
    • Moisen quitau d'o Nilo
    • Moisen entregau a la suya propia mai
    • Moisen tornau a la princesa
    • Moisen nino saca a corona a o Faraón
    • Moisen esfiende a las fillas de Chethro
    • Moisen presentau a Chethro por una d'as suyas fillas.
    • Matrimonio de Moisen con Sefora
    • Moisen en o Horeb.
  • Serie Zodíaco (tapices flamencos, segunda metat d'o sieglo XVI):
    • Moisen pisa a corona. Signo Acuario
    • Pretexto. Signo Pisces
    • Aleixandre y os persas. Signo Aries
    • O suenio d'Alcides. Signo Tauro
    • Venus y Adonis. Signo Cheminis
    • Curio Dentato. Signo Cancro
    • O centauro Quirón. Signo León
    • Gubierno de Chusé en Echipto. Signo Virgo
    • Hercules da muerte a o dragón. Signo Libra
    • O tresoro de César. Signo Escurpión
    • Tobías, ciego da consellos a o suyo fillo. Signo Sagitario
    • Chacob, moribundo, bendice a os fillos de Chusé: Efraín y Manases. Signo Capricornio.
  • Serie Historia de Debora (tapices flamencos, segunda metat d'o sieglo XVI):
    • Debora recibe a Barac
    • Debora armada pa o combate.
  • Serie Historia de Constantino (sieglo XVII):
    • Pretoriano Romano
    • Nerón y Popea
    • Constantín ante Galerio
    • Batalla d'o Puent Milvio
    • Coronación d'a muller de Constantín
  • Serie Apoteosi de Baco (sieglo XVII): Apoteosi de Baco.
  • Dos tapices heraldicos (sieglo XVI) con o escudo d'o Duque de Calabria.

Referencias[editar | modificar o codigo]

  1. (es) "Tapices de Juan II de Aragón y de Fernando el Católico en La Seo de Zaragoza". ZALAMA, M. Á. y PASCUAL MOLINA, J. F. Boletín del Museo e Instituto Camón Aznar, 2012. Numero 109. Pach. 285-320
  2. (es) "www.cai.es". http://www.cai.es/obs/paginas/paginafinal.asp?idNodo=1055. 
  3. www.elperiodicodearagon.com
  4. Cfr. ÁGREDA PINO, A. M. y VERAS SANZ, F. J., en CORRAL, J. L. (coord.) (2000), pág. 128: «La más antigua serie de tapices conservada [...] es la serie de La Pasión, constituida por dos paños datados en el primer tercio del siglo XV [...] Pertenecen estas piezas al llamado "estilo de Arrás", cuyas características siguen puntualmente. Conviene aclarar que aunque de forma general se atribuyen a los talleres de Arrás la mayor parte de los paños tejidos en la primera mitad del siglo XV, tan solo se conserva en la actualidad una serie originaria de este centro licero, conocida como Historia de San Piat y San Eleuterio», Ana María Ágreda Pino y Francisco Javier Veras Sanz, «Los tapices de La Seo de Zaragoza», en Corral Lafuente, J. L. (coord.), La Seo del Salvador, Zaragoza, Librería General (primera publicación por fascículos en «La Seo», Heraldo de Aragón 1998), 2000, pp. 123-136. ISBN 84-7078-212-6.
  5. Ista serie, tamién dita A Redención o Combate de vicios y virtuz. Un d'os tapices ye una replica exacta d'o tapiz d'a seu de Palencia Sice illos a facie mea, con identica orla u bordura, que leva o títol de Tapiz d'o Pecau u As pasions u As consecuencias d'o pecau orichinal en l'hombre.

Enlaces externos[editar | modificar o codigo]