Museu d'os Faroles y Rosario de Cristal

Museu d'os Faroles y Rosario de Cristal
Farol d'o Templo d'o Pilar en o museu
Situación
Coordenatas	{{{Coordenadas}}}
País	Aragón
Ciudat	Zaragoza
Información cheneral
Tipo	{{{Tipo}}}
Director
Construcción
Inauguración
Superficie
Horario	Verano (15 de chunio a 30 de setiembre): martes a domingo 10 a 21. Resta de l'anyo: martes a domingo: 10 a 14 y 16 a 18.30. A dentrada remata meya hora antis de zarrar
Vesitants
Adreza	Ilesia d'o Sagrau Corazón de Chesús. Pl. de San Pedro Nolasco, s/n, 50001, Zaragoza
Telefono	619 474 558
Pachina web	Web oficial

O Museu d'os Faroles y Rosario de Cristal (en castellano y oficialment: Museo de los Faroles y Rosario de Cristal) ye un museu relichioso d'a ciudat de Zaragoza que se troba en l'interior d'a ilesia d'o Sagrau Corazón de Chesús, en a plaza de San Pedro Nolasco. En él se deshiben as piezas d'artesanía que fan parti d'o Rosario de cristal.

O Rosario de Cristal se celebra cada 13 d'octubre en a capital aragonesa y consiste en una procesión nocturna de farols y carrozas de cristal que corresponden a cadaguna d'as partis que se rezan en a oración d'o rosario.

Historia

O 2 de chinero de 1889 s'instituyó a Real Cofradía del Santísimo Rosario de Nuestra Señora del Pilar.^[1] A suya chunta directiva decidió a construcción de carrozas que representaran cadaguna d'as partis del rosario: Misterios, Painuestros, Avemarías, Glorias y a Ledanía.

A suya execución corrió a cargo de l'arquitecto d'o Concello, Ricardo Magdalena y a suya construcción, d'o mayestro d'artesanos León Quintana. Os trabajos se facioron ascape y ixe mesmo anyo se celebró o primer desfile en Zaragoza. A l'anyo siguient se tresladó a celebración ta o 13 d'octubre, y le'n dio por primera vegada o suyo nombre actual: Rosario de Cristal.

En primerías, os faroles s'alumbraban desde l'interior con velas pero en o zaguer tercio d'o sieglo XX se fica a iluminación electrica que conoixemos hue lo día.

Contenido

O museo deshibe as piezas que desfilan en a procesión d'o 13 d'octubre ahuespando 300 farols y cuantos estandartes. A exposición ye organizada en o sentiu procesional y s'organiza en tres espacios diferenciaus. Viene acompanyada d'una locución que se coordina con a iluminación d'as diferents piezas que se van explicando.

A exposición aculle una representación de farols d'os diferentes misterios (goyosos, dolorosos y gloriosos) incluyendo-ne un farol d'os misterios luminosos adhibius por Chuan-Pavlo II. Tamién se puet contemplar una muestra d'as carrozas que procesionan dimpués d'os misterios, autenticas obras mayestras d'o veire, muitas d'ellas cedidas por diferents institucions espanyolas como o Ministerio de Marina, l'archidiocesi de Toledo u l'archidiocesi de Barcelona. Destacan por a suya beldat o farol de l'Asumpción, o d'a Salve, d'os Santuarios Marianos y o de Sant Dominguito de Val. Pero por a suya monumentalidat destaca o farol d'a Hispanidat.

Bel farol tien una luenga historia ya que feba parti de procesions anteriors a o Rosario de Cristal. Ixe ye o caso d'os que representan a Santa y Anchelica Capiella y o Templo d'o Pilar. Iste zaguero ye confeccionau con mas de 130.000 piezas de veire. Amás amás, a exposición reculle parti d'os sesanta y tres farols en forma de estrela que representan as ledanías laurentinas.