Muriel's Wedding

Iste articlo ye sobre una cinta de comedia dramatica australiana estrenada en 1994; ta lo musical, se veiga Muriel's Wedding (musical).

Muriel's Wedding
Títol	Muriel's Wedding
Póster d'a cinta.
Ficha tecnica
Dirección	P. J. Hogan
Dirección artistica	Hugh Bateup
Producción	Lynda House Jocelyn Moorhouse
Disenyo de producción	Paddy Reardon
Guión orichinal	P. J. Hogan
Musica	Peter Best
Fotografía	Martin McGrath
Montache	Jill Bilcock
Escenografía	Glen W. Johnson Jane Murphy
Vestuario	Terry Ryan
Maquillache	Margaret Archman Carolyn Nott Noriko Watanabe Noreen Wilkie
Peluquería	Ziggy Golden Noriko Watanabe Noreen Wilkie
Efectos especials	Ray Fowler
Casting	Alison Barrett
Actors	Toni Collette Bill Hunter Rachel Griffiths Sophie Lee Rosalind Hammond Belinda Jarrett Pippa Grandison Jeanie Drynan Daniel Wyllie Gabby Millgate Gennie Nevinson Matt Day Chris Haywood Daniel Lapaine Susan Prior Cecily Polson Rob Steele Geneviève Picot Heather Mitchell Penne Hackforth-Jones Annie Byron Vincent Ball
Datos y cifras
País(es)	Australia Francia
Anyo	1994
Estreno	30 de mayo de 1994 Festival Internacional de Cine de Canas (Canas, Alpes Maritimos, Francia) 29 de setiembre de 1994 Australia
Chenero(s)	Cine de comedia Cine de drama
Durada	101 min.
Idioma(s)	Anglés
Companyías
Productora(s)	CiBy Sales Limited Film Victoria House & Moorhouse Films
Distribución	Roadshow Film Distributors CiBy 2000
Presupuesto	9 millons de dólars
Recauto	15,5 millons de dólars
Informacions en bases de datos especializadas:

Muriel's Wedding (títol orichinal en anglés, en aragonés A voda de Muriel, estrenada en Aragón con o suyo títol traduciu enta lo castellano como La boda de Muriel) ye una cinta de cine de comedia dramatica coproducida por o cine australiano y lo cine francés estrenada en 1994, dirichida por P. J. Hogan seguntes un guión orichinal d'él mesmo, con una banda sonora orichinal de Peter Best, una dirección de fotografía de Martin McGrath, una producción cinematografica de Lynda House y Jocelyn Moorhouse ta las productoras CiBy Sales Limited, Film Victoria y House & Moorhouse Films y un elenco d'actors formau por Toni Collette, Bill Hunter, Rachel Griffiths, Sophie Lee, Rosalind Hammond, Belinda Jarrett, Pippa Grandison, Jeanie Drynan, Daniel Wyllie, Gabby Millgate, Gennie Nevinson, Matt Day, Chris Haywood, Daniel Lapaine, Susan Prior, Cecily Polson, Rob Steele, Geneviève Picot, Heather Mitchell, Penne Hackforth-Jones, Annie Byron y Vincent Ball, entre d'atros.

Muriel Heslop ye una choven bien poco dotada ta las relacions socials que vine en un lugarón clamau Porpoise Spit, filla d'un politico local bien corrupto y que domina a toda la familia. As atras mesachas se rechuflan d'ella y Muriel se refuchia en a musica, mas que mas d'o grupo ABBA, y en soniar sobre la suya voda. Convidada a la voda d'una amiga, se troba con que una atra convidada la denuncia a la Policía por haer robau en o gran almagacén a on ella treballa lo vestiu que Muriel leva en a voda. Poco dimpués su ai li entrega un cheque a lo portador sinyau y con a cifra en blanco ta pagar una crompra, pero ella opta por acotolar o saldo bancario y fuyir con os diners, pagando un pasache enta la isla a on son as suyas "amigas", que se ne fan a risa con ella. Cuan torna enta casa y li demanan explicacions opta por fuyir enta Sydney con Rhonda Epinstall, una antiga companyera de l'instituto. En a ciudat creya una nueva identidat encara que sigue obsesionada con a suya voda, pero cuan Rhonda caye y queda en cadiera de ruedas tornan enta lo suyo lugar y Muriel descubre que su pai ye tramitando l'esvurcio y amás se troba acusau de corrupción. Acepta un matrimonio de conveniencia con un nadador de Sudafrica que amenista la nacionalidat australiana y poco dimpués muere la mai de Muriel.

Muriel's Wedding s'ambienta en a suya epoca actual (1994) en Sydney (Nueva Galas d'o Sud) y bels puestos de Queensland y las suyas escenas se filmoron en Coolangatta, Surfers Paradise y atros puestos de Queensland y en Darlinghurst, Eastwood, Sydney y Tweed Heads (Nueva Galas d'o Sud).

Ye una cinta que ha recibiu bels premios y nominacions, en destacando un Premio BAFTA a lo Millor Guión Orichinal en 1996 mientres a 49^ena edicion d'os Premios BAFTA.

Elenco

Actor	Papel	Notas
	'

Se veiga tamién

• Cine en 1994.
• Cintas de 1994.

Vinclos externos

• (en) Muriel's Wedding en Internet Movie Database.
• (en) Muriel's Wedding en Box Office Mojo.
• (en) Muriel's Wedding en Metacritic.
• (en) Muriel's Wedding en Rotten Tomatoes.
• (en) Muriel's Wedding en Screen Australia.

• Datos: Q1348275