Moshé de Portella
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Moshé de Portella (Tarazona, 1230 - ibidem, 1293) estió un destacau chodigo de l'alchama de Tarazona en o sieglo XIII. Exerció como baile y merino de cuantas ciudaz entre o reinau de Chaime I y como Baile cheneral d'o Reino d'Aragón con Pedro III y Alifonso III, dica a suya destitución en 1286, a petición d'as Corz d'Aragón por estar chodigo.[1]
Vida personal
[editar | modificar o codigo]
Moshé de Portella naixió en o sino d'una familia chodiga de Tarazona. Estió o mas destacau d'os suyos cuatro chirmans, Salomón, Abraham, Ismael y Yucef, y o chodigo turiasonense mas relevant d'a historia de l'alchama d'a ciudat.
Estió, de conchunta con o suyo chirmán Ismael de Portella, un chodigo d'a Cort, un consellero privau d'o rei. Entre o reinau de Chaime I, o Conqueridor, ostentó o cargo de baiulus u baile de Tarazona en 1273, a primers de 1276 tamién de Murviedro, Onda, Peniscola, Moriella, Segorb, Villa-reyal y La Vall d´Uixón, y mas tarde de Malón, Santa Cruz, Borcha, Luceni y Exeya d'os Caballers. O cargo de baile suposaba l'administración d'o patrimonio y as finanzas reals, y a recaudación de rentas.
En os zaguers anyos d'o reinau de Chaime I estió nombrau merino de Tarazona, Exeya d'os Caballers y Chaca, asinas como la baile de Sarinyena. Como merino estió l'encargau de resolver conflictos en os territorios asignaus y de adminitrar y reparar as fortificacions buegants.
Baile Cheneral d'Aragón
[editar | modificar o codigo]Baixo o reinau de Pero III estió nombrau Baile Cheneral d'o Reino d'Aragón, pero a la suya muerte en 1285, cayió en desgracia, y un anyo mas tarde as Corz d'Aragón solicitoron a Alifonso III o suyo cese por estar chodigo. Feneixió en Tarazona en 1293.
O suyo chirmán Ismael de Portella tamién tenió un paper destacau en o reino. Dica 1289 estió, por disposición real, executor u administrador d'a casa d'o Infante Don Pedro, fillo d'Alifonso III. Estió rab u Rabín Mayor de todas as chuderías d'Aragón.
Referencias
[editar | modificar o codigo]- ↑ sefardies.es.
Vinclos externos
[editar | modificar o codigo]| Control d'autoridaz |
|
|---|
Datos: Q22806593