Moros (pueblo)

De Biquipedia
(Reendrezau dende Moros d'o Sahara)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Moros
ﺑﻴﻀﺎﻦ
Sahraui con un camello.
Rechions con comunidaz importants
Mauritania
Sahara Occidental
Alcheria
Marruecos
Mali
Idiomas
Hassaniya
Relichión
Sunnismo
Pueblos relacionaus
Beduins, Zenagas, Tuaregs
Mapa
Notas
Aria a on se charra lo hassaniya.

Los moros[1] (en arabe ﺑﻴﻀﺎﻦ) son un conchunto de tribus de la part occidental de lo Sahara y de lo Sahel que charran la variant hassaniya de l'arabe, con un modo de vida tradicional de pastors nomadas y con una organización social tradicional en castas. Son musulmans sunnís d'a escuela maliquí. Son unas poblacions d'orichen predominantment berber que fuoron arabizadas por arabes beduins. Los sahrauis son los moros saharianos que estioron baixo dominación colonial espanyola.

Etnonimo[editar | modificar o codigo]

En Mauritania se gosan dicir a éls mesmos como beidan[2]. Lo termin mauri, maures, "moros" y variants en luengas occidentals aplicau a los parlants de lo hassaniya de lo Sahara y Sahel se cheneralizó entre los sieglos XVI y XVIII entre comerciants y exploradors europeus.

Luenga[editar | modificar o codigo]

Lo hassaniya ye un dialecto arabe con muito sustrato lingüistico de lo berber que charraban los antigos zenachas.

Historia[editar | modificar o codigo]

Entre los sieglos XIII y XVIII bels nomadas arabes procedents de lo norte fuoron sozmetendo a los berbers cenachas, y rematoron imposando-sen como una clase dirichent con dominio militar, relichioso y politico sobre la población autoctona. Amaneixió d'esta traza una sociedat hierarquizada en castas que duraría dica lo sieglo XX.[3]

Los moros u beidan resisitioron la expansión colonial de Francia ya en l'anyo 1905, pero lo territorio de l'actual Mauritania no fue conquiesto dica 1913, constituindo-se Mauritania en colonia diferent de Senegal en l'anyo 1920. Lo dominio de Tinduf no se consiguió de tot dica 1934.

Mauritania declaró s'independizó en l'anyo 1960.

Referencias[editar | modificar o codigo]

  1. (an) Diccionario ortografico de l'aragonés (Seguntes la Propuesta Ortografica de l'EFA). Versión preliminar. Estudio de Filología Aragonesa. ISSN 1988-8139. Octubre de 2022.
  2. Jean Sellier Atlas de los pueblos de Africa Editorial Paidós, 2005.
  3. (es) Jean Sellier: Atlas de los pueblos de Africa Editorial Paidós, 2005.

Bibliografía[editar | modificar o codigo]