Opuke

De Biquipedia
(Reendrezato dende Mont Hutt)
Ir a la navegación Ir a la búsqueda
Opuke
Mount Hutt
Mt Hutt.jpg
Opuke
Situación
Situación Flag of New Zealand.svg Nueva Zelanda
Latitut 43° 28′ 18″ S
Lonchitut 171° 31′ 34″ E
Cheografía
Cordelera Alpes d'o Sud
Sierra {{{sierra}}}
Macizo {{{macizo}}}
Altaria 2.190 m
Primera puyada
Ruta mas fácil
Mapa
New Zealand relief map.jpg
Montanya.svg

L'Opuke (nombre maorí, en anglés Mount Hutt) ye un mont situau a l'este d'as planas de Canterbury en a Isla d'o Sud de Nueva Zelanda, sobre l'alta val d'o río Rakaia y a 80 kilometros a l'ueste de Christchurch. A suya cima se debanta a 2.190 metros sobre o libel d'a mar.

Estación d'esqui[editar | editar código]

O mont ye seu d'una estación d'esquí alpín que representa a mayor aria esquiable d'a Isla d'o Sud (3,65 kilometros quadraus), con un desnivel maximo de 683 metros.[1]

As instalacions son aptas ta un amplo rango d'esquiadors, con una cinta ta prencipiants, pistas ta esquiadors con libel intermeyo u enantau y acceso a grans zonas difuera de pista. As pistas de mas libel d'a estacion son as que pasan entre a formación rocosa conoixida como "The Towers" (en aragonés "As Torres") y a cara sud d'o pico.[2] Entre os remontadors d'a estación se troba una telecadiera de seis plazas, un atra de quatre, un atra triple y una cinta.[1].

A temporada d'esquí va de chunio a octubre. Mount Hutt ye argüellosa d'haber estau siempre historicament a primera estación d'esquí en ubrir cada temporada. Manimenos, a empinada carretera d'acceso de trece kilometros fa que haiga d'estar zarrada constantment por o mal orache, lo que fa que siga conoixida con a embotada de "Mount Shut" (en aragonés "Mont Zarrau"). O 12 d'agosto de 2010, bi habió vientos de dica 200 km/h, fendo que a carretera d'acceso hese d'estar zarrada y deixando a 1.200 personas isoladas toda a nueit en a montanya, on habioron de pernoctar en os edificios d'a base d'a estación. A carretera tornó a ubir-se o día siguient.[3]

En no existir aloxamiento en a propia estación, a mayoría de vesitants gosan aloxar-se en a vecina Methven, a 35 menutos en auto dende a estación. A localidat d'Ashburton ye a 55 menutos y a ciudat de Christchurch a una hora y 45 menutos.

A estación d'esquí de Mount Hutt ye chestionada por a interpresa NZSki chunto con as estacions de Coronet Peak y The Remarkables en Queenstown. O mont Hutt fue nombrau por o topografo Joseph Thomas d'a Canterbury Association en honor de John Hutt, un d'os primers miembros d'ista asociación.[4]

Fauna[editar | editar código]

Mientres os meses de verano se pueden trobar quatre especies diferents de saltapericos alpins en l'aria que ocupa a estación. Entre istos son incluyius o Sigaus villosus, que puede trobar-se en as crestas, o Brachaspis nivalis, que vive en as tarteras de cantals, o Sigaus australis y o Paprides nitidus que viven en os praus de tussock.[5]

Referencias[editar | editar código]

  1. 1,0 1,1 nzski. "About Mt Hutt". http://www.nzski.com/mthutt/about.jsp. Retrieved 26 d'octubre de 2012. 
  2. (en) nzski. "Trail map". http://www.nzski.com/mthutt/trailMap.jsp. Retrieved 26 d'octubre de 2012. 
  3. (en) Elizabeth Binning; Edward Gay; Jarrod Booker; Edward Rooney (13 d'agosto de 2010). "Skiers freed as Mt Hutt road reopens". The New Zealand Herald. http://www.nzherald.co.nz/skiing/news/article.cfm?c_id=481&objectid=10665745. Retrieved 18 d'agosto de 2010. 
  4. (en) Blain, Rev. Michael (2007). The Canterbury Association (1848-1852): A Study of Its Members’ Connections. Christchurch: Project Canterbury, 47–48. Consultato lo 20 de marzo 2013.
  5. (en) R. S. Bigelow (1967). The Grasshoppers of New Zealand, their Taxonomy and Distribution. Christchurch: University of Canterbury.

Vinclos externos[editar | editar código]

Referencias[editar | editar código]