Molendor

Un molendor^[1] u molinet^[1] ye un utensilio de cocina que sirve pa polvorizar os granos enteros de café chusto antis de fer-se una bebida de café, pa asinas poder goyar millor d'a suya aroma.

Dica fa poco se gosaban emplegar molendors mecanicos con una maneta, que amás yeran mas ecolochicos, ya que no gastan electricidat ni dengún tipo d'enerchía combustible, pero actualment, amás de que a tendencia ye usar-los cada vegada menos, n'existen tamién d'electricos. Tamién i hai molendors de café profesionals, que entre atras cosas gosan permitir trigar entre cuantas midas de grano en polvos polvorizau, pa adaptar-lo a cada tipo de cafetera.^[2]

Os molendors a vegadas se pueden usar tamién pa moler pimenta, fruitos secos u atros alimentos.

Tipos de molendors

Se pueden trobar dos tipos diferents de molendors seguntes a manera en como polvorizan os granos de café. Se tracta d'os que trituran fendo servir cochillas u bien muelas.^[3]

Molendor de cochillas. Se pueden fer servir pa moler atras menas de productos como especias, simients u fruitos secos.
Molendor de muelas. Son perfectos pa os aficionaus, ya que tienen dos engranaches mas afilaus. Os molendors de muelas ceramicas pueden tener muelas de placas planas, que pueden no agradar de tot a os usuarios porque se pueden caldiar prou. Manimenos, a mayoría de molendors de gama alta son disenyaus pa que ixo no pase.