Miguel Fleta

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre un tenor aragonés; ta atros usos, se veiga Miguel Fleta (desambigación).
Miguel Fleta
Información personal
Nombre Miguel Burró Fleta
Embotada
Naixió 1 d'aviento de 1897
Bandera de Aragón Albalat de Cinca (Cinca Meya)
Murió 28 de mayo de 1938
Bandera d'Espanya Guerra Civil A Coruña (Galicia)
Información musical
Orichen
Estilo Opera
Ocupancia Cantante
Instrumentos Voz
Tiempo
Discograficas Warner Bros. Records
Relacionau con Chirmanas Fleta, Elia y Elisabeth, Arturo Toscanini
Pachina web

Miguel Burró Fleta naixito l'1 d'aviento de 1897 d'Albalat de Cinca (provincia de Uesca) y muerto o 28 de mayo de 1938 en A Coruña (Galicia), estió un tenor aragonés. Ye uno d'os mas grans cantaires d'opera de toz os tiempos. Ye o pai de Elia y Paloma Fleta Mirat que chuntas formoron un dúo musical conoixiu como as Chirmanas Fleta; y tamién de Miguel Fleta Pierrick, de Pierre Fleta y de Javier Fleta. Dos de sus nietas naixidas de Colombia gravoron dos Lp's como o dúo Elia y Elisabeth con prou exito en Colombia.

En setiembre de 1917 ye cuan destacó en un concurso d'ixota celebrato en Villanueva de Galligo. Dimpués d'isto fue ta Barcelona a estudiar en o Conservatorio Isabel II.

O suyo debut en Milán estió en 1919 con a opera Zandonai y en o Metropolitan de Nueva York fa a suya primera actuación en 1923. Mientres os anyos 20 viachó fendo actuacions dende China dica Suramerica, pasando por as prencipals ciudaz d'Europa.

A suya voz podeba cubrir dende o tenor dica o baritón y o suyo repertorio s'adaptaba a las obras d'a escuela italiana de Verdi (Aida, Rigoletto), Donizetti (La favorita), Leoncavallo (I pagliacci) y Puccini (Tosca, Turandot)

L'inte mas important d'a suya carrera estió a participación en 1926 d'o enguero postumo de Turandot (Puccini), a opera de Puccini en o teatro d'a Scala de Milán, baixo a dirección d'Arturo Toscanini.

Cuan se proclamó a II Republica fació una gravación d'o himno de Riego. Dimpués, en 1936 s'afilló a la Falange Española, seguntes dicen beluns convencito por o mesmo José Antonio Primo de Rivera. Mientres a Guerra Civil se tresladó ta A Coruña a on morió o 28 de mayo de 1938 colaborando con o bando sublevato.

Vinclos externos[editar | modificar o codigo]