Michael Rasmussen
| Michael Rasmussen | |
|---|---|
 | |
| Información personal | |
| Nombre | Michael Rasmussen |
| Calendata de naiximiento |
1 de chunio de 1974 |
| Puesto de naiximiento |
 Tølløse, Dinamarca. |
| Esporte | Ciclismo |
| Información d'equipo | |
| Disciplina | Carretera y montanya |
| Papel | Escalador |
| Equipos profesionals | |
| 1995–1996 1997–1998 1999 2000–2001 |
Wheeler (MTB) Scott International (MTB) Trek-Volkswagen (MTB) Gary Fisher (MTB) Haro-Lee (MTB) Dungarees (MTB) CSC–Tiscali (stagiaire) CSC–Tiscali Rabobank Tecos Guadalajara Miche |
| Grans victorias | |
2 Victorias en atras clasificacions en grans vueltas: Montanya en o Tour de Francia (2005, 2006)Cursas de Montanya:  Campión de Dinamarca (1995).  Campíon Mundial (1999). | |
Michael Rasmussen, naixiu de Tølløse, Dinamarca, l'1 de chunio de 1974, ye un ciclista danés hue retirau d'a practica esportiva d'elite, que compitió en as modalidaz de carretera y montanya.[1]
Los suyos mayors exitos en carretera son lo seiseno puesto en d'a clasificación cheneral d'o Tour de Francia de 2005 y lo seteno en a Vuelta a Espanya de 2003, asinas como cinco etapas ganadas en as Grans Vueltas: cuatro en o Tour de Francia y una en a Vuelta a Espanya.
En ciclismo de montanya ganó una medalla d'oro en o Campeonato Mundial de Ciclismo de Montanya de 1999, en a preba de campo a traviés.
Biografía
[editar | modificar o codigo]Principió a suya vida esportiva practicando ciclismo de montanya, modalidat en a que aconsiguió estar campión mundial. Posteriorment estió retantau por equipes de ciclismo en rota, an i heba mas diners y teneba millors remuneracions economicas. Compitió en cuantos equipos aconseguindo competir en cualques d'as Grans Tornadas y ganando lo maillot d'a Montanya dos vegadas y cuatro etapas en o Tour de Francia y una etapa en a Vuelta a Espanya. En o Tour de 2007 lo suyo equipo prenió la decisión de retirar-le d'ixa competición estando líder con una avantalla de mas de tres menutos respective a lo segundo clasificau y faltando 4 etapas pa la suya conclusión. Tot ixo per no haber-se estau localizau por achents antidopache en los suyos entrenamientos en o mes de chunyo, lo cual vulnera la reglamentación vichent antidopache (la Reglamentación d'a UCI obliga a los ciclistas profesionals a estar siempre disposaus pa un examen y pro localizables). Heba informau a lo suyo equipo que yera entrenando en Mexico, cuan en realidat lo feba en o norte d'Italia. En total faltó a 4 controls (2 d'a Federación danesa y 2 d'a UCI) cuán lo maximo son 3.[2]
Tornada a la competición
[editar | modificar o codigo]En o mes de chulio de 2009, lo ciclista danés anunció la suya tornada a la competición una vegada cumplida la suya sanción, que acababa lo día 25 d'ixe mes. Reapareció en a cursa d'exhibición d'o Designa Grandprix de Kjellerup, en Dinamarca, celebrada dos días dimpués d'a fin d'a sanción, en a cual finalizó en segundo puesto. En acabar la preba declaró que teneba ganas de correr la Vuelta a Dinamarca y la Vuelta a Espanya, siempre que trobase un modo que la UCI le concedese la licencia internacional retirada dimpués d'a tracera d'o Tour de 2007. Manimenos, garra equipo europeu querió fer-se cargo d'a suya situación y acabó recalando "extraoficialment" en e l anyo 2009 en un equipo mexicano d'a Universidat Autonoma de Guadalajara conoixiu como Tecos-Trek, de categoría Continental, [3] an la suya actuación mas destacadas estió en a Vuelta a Chihuahua an ganó la etapa prologo que escurriba per un trazau montanyoso, estando finalment seiseno en a clasificación cheneral. Tamién ganó la cursa amateur d'a Vuelta a Puebla.
En o 2010 estió anunciau sorprendentment como inscrito en o Tour de Sant Louis con l'equipo Miche, que dica ixa calendata no heba anunciau lo suyo fichaje encara que pocos días dimpués se confirmó la participación en ixa corrida an finalizó uiteno. Estió ixe lo suyo resultau mas destacau con ixe equipo, posteriorment en abril le rescindioron lo contracto a causa d'una mononucleosis.
En agosto de 2010, empecipioron a sonar fuertes remors que Rasmussen correría pa lo Saxo Bank de Bjarne Riis en 2011, manimenos finalment fichó per lo modesto equipo Christina Watches-Onfone, de categoría Continental equipo que ya le patrocinaba individualment en cursas amateurs mientres los meses que estió sin equipo en l'anyo 2010. Michael presentó un ambicioso prochecto en o cual iba a estar líder y futuro director de dito equipo.
Lo día 31 de chinero de 2013, dio una rueda de prensa, acompanyau per lo mánager d'a interpresa Christina Watches Claus Hembo, en a cual admitió haber-se dopado mientres os anyo 1998 y 2010. Estió despediu immediatament de l'equipo, pero Claus Hembo notificó que cuan cumpla la suya sanción tornaría como director esportivo de l'equipo. Rasmussen amás comunicó que se retiraba d'a practica esportiva profesional y que iba a colaborar con as autoridaz en tot lo que le estase posible en investigacions contra lo dopache esportivo.
Palmarés
[editar | modificar o codigo]Ciclismo de montanya
[editar | modificar o codigo]1995 (como amateur)
- 2º en o Campionato de Dinamarca
1996 (como amateur)
Campión de Dinamarca 
1999
Ciclismo en Carretera
[editar | modificar o codigo]2002
- 1 etapa d'a Vuelta a Burgos
2003
- 1 etapa d'a Vuelta a Espanya
2004
- 1 etapa d'a Dauphiné Libéré
2005
- 1 etapa d'o Tour de Francia y clasificación d'a montanya
- 1 etapa d'o Tour de Francia y clasificación d'a montanya
2007
- 2 etapas d'o Tour de Francia
2009
- 1 etapa d'a Vuelta a Chihuahua
2011
- 1 etapa d'a Vuelta a Serbia
2012
- Ringerike G. P.
Equipos
[editar | modificar o codigo]
- Trek-Volkswagen (1997)
- Gary Fisher-Saab (1999)
- Team CSC-Tiscali (09.2001-2002)
- Rabobank (2003-2007)
- Miche (01-04.2010)
- Christina Watches-Onfone (2011-2012)
Bibliografía
[editar | modificar o codigo]- Verner Møller. El chivo expiatorio. La UCI y el Tour contra Michael Rasmussen (Cultura Ciclista, 2012, ISBN 978-84-939948-1-5)
Notas y referencias
[editar | modificar o codigo]Vinclos externos
[editar | modificar o codigo]- Pachina oficial
- Ficha en sitiodeciclismo.net.
- Ficha en cqranking.com (en anglés).