Meyanueit
_(cropped).JPG)
A meyanueit[1][nota 1] ye a hora arbitrariament sinyalada pa determinar a fin d'un día y o principio d'o siguient en bellas culturas, mas que mas en as occidentals. A meyanueit pendeba orichinalment de l'inte d'o escureixiu y de l'amaneixiu, variando seguntes as estacions.
A meyanueit solar ye l'opuesto a o meyodía solar, cuan o sol ye amán d'o nadir y a nueit ye mas escuriza. Debiu a l'advenimiento d'as zonas horarias, que permiten tener a mesma hora en un rango de meridianos, coincide rarament con a meyanueit d'o reloch, pero puet estar calculada. A meyanueit solar pende mas d'a lonchitut que d'a zona horaria.
Mientres que en atras culturas a meyanueit ocupa un rango de cuantas horas, en aragonés siempre denota l'inte puntual en que se fa o cambio de día calandario. Le'n gosa decir popularment "as doce d'a nueit" debiu a la posición d'as agullas en os reloches. Pa efectos d'horario se gosan emplegar as denominacions 00:00 h, 24:00 h u 12:00 a.m. pa distinguir-las d'as 12:00 o 12:00 p.m. que corresponden a o meyodía. Por a suya parti, en o modelo de vinticuatre horas se representa como 0 h (se leye "as cero horas").
Notas
[editar | modificar o codigo]- ↑ Con as variants medianuet y michanit
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
