Metralladera

Marines estausunidenses con una M240G.

Una metralladera.

Una metralladera u metralladora ye un arma de fuego automatica que se caracteriza por disparar gran cantidat de balas en poco tiempo y de traza contina dende un cargador u cinta de balas. As metralladeras por un regular son pesadas, grandizas y montadas sobre una base u patas.

Orichen y evolución

As primeras metralladeras apareixioron mientres o sieglo XIX, como las ditas Gatling, encara que no yeran automaticas ya que s'accionaban con una manilla.

En 1884 apareixe un tipo de metralladera totalment automatizada inventada por Hiram Maxim. Iste modelo fue adoptau por a mayoría d'os exercitos europeus mientres que los norteamericans emplegoron o Browning, que reutiliza o gas d'o canyón. Dende l'anyo 1917 a companyía constructora d'armamento Browning sacó a lo mercau lo modelo que funciona con retacule d'o canyón, un sistema que encara s'emplega.

Impacto en a guerra

A metralladera cambió lo sistema de combate que yera lo mesmo dende las guerras napoleonicas. Dende l'aparición d'as metralladeras se facioron línias estaticas y buegas con l'uso de carros de combate contra istas armas automaticas.

Limitacions tecnicas

As metralladeras tienen muito desgaste d'o canyón y iste se dilata, fendo que dimpués d'un ciento de disparos pueda estar temporalment inútil. Amás tot o canyón ha d'estar sustituyiu alto u baixo cada 10.000 tiros.

Vinclos externos

• Se veigan as imáchens de Commons sobre la metralladera.

• Datos: Q12800
• Multimedia: Machine guns / Q12800