Mesón de Ligüerre

De Biquipedia
Ir a la navegación Ir a la búsqueda
Mesón de Ligüerre
Localidat d'Aragón
128.Mesón de Ligüerre.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
L'Abizanda
Población
 • Total

3 hab. (2016)
Altaria 475 m.
Distancia
 • 92 km
 • 6 km
 • 18 km

enta Uesca
enta L'Abizanda
enta l'Aínsa
Codigo postal 22393
Patrons Santa María de l'Asumpción
Parroquial
 • Diocesi
 •Arciprestato
 • Parroquia

Balbastro-Monzón
Sobrarbe
Artasona
Ríos Susía
Mesón de Ligüerre en Aragón
Mesón de Ligüerre
Mesón de Ligüerre
Situación de Mesón de Ligüerre en Aragón
www.LigüerreDeCinca.com

O Mesón de Ligüerre[1] ye una aldeya aragonesa d'o municipio de l'Abizanda, en a provincia de Uesca y a comarca de Sobrarbe. A suya población yera de 3 habitants en 2016.[2]

Yera una aldeya de Ligüerre d'a Cinca, naixida en a carretera tradicional que une Balbastro con l'Aínsa, en a que se brindaba servicios a os viachers a piet de carretera. Se troba a 2 km de Ligüerre.

Cheografía[editar | editar código]

O Mesón de Ligüerre se troba en a ribera d'o río Susía, en o zaguer trampo d'antes que desemboque en o pantano de o Grau, en a man solana de o tozal de Sant Mitier. Quan o pantano ye altero, l'augua d'a coda gosa penetrar dica debaixo d'o puent d'a carretera, a ran de lugar. No ye adintro d'a valle d'a Cinca porque a parte a on ye se troba deseparada d'o corso d'ixe río por o tozal de Sant Mitier.

Atraviesa o nuclio un troz de l'antiga carretera Balbastro-l'Aínsa, en una curva d'a qual se trobaba o Mesón.[3] A carretera actual, l'A-138, esnaviesa bells metros por difuera de lugar.

Estructura urbana[editar | editar código]

Forman o nuclio tres edificios, un por cada costau de a chuntura d'a carretera de Ligüerre con l'antiga carretera Balbastro-l'Aínsa. Con a cesión d'os edificios y terrenos a'l sendicato UGT, en os anyos 1980, os edificiós se recontruyón y se plantificón ta que fuesen a dentrada d'o complexo vacacional de Ligüerre d'a Cinca, a piet de carretera porque o lugar ye un poquet más luent, y se les i adhibió un cámping.

Una d'as casas ye l'antiga masadería, reconvertida en albergue.[3][4] Adebant d'ella i ha la recepción d'o complexo vacacional de Ligüerre, que tamién ofreix servicios de bar. A tercer construcción ye l'antiga ferrería, reconvertida en un centro social.[3]

Historia[editar | editar código]

O Mesón de Ligüerre naixió, probablement y como o suyo nombre indica, como un mesón en a carretera d'entre Balbastro y l'Aínsa, a on que se daba servicio a os viachers. Pendeba de l'achuntamiento de Ligüerre, a suya cabecera tradicional.

129.Mesón de Ligüerre.jpg

Dende meyanías d'o sieglo XX, a progresiva motorización d'os transportes fizo que, cada vegada, a chent precisase menos paradas y hospedaches en a carretera, por o que o Mesón fue cayendo de fumo. En a decada de 1960, a expropiación d'o nuclio de Ligüerre, con vistas a la inauguración d'o pantano de o Grau, fizo que as casas se zarrasen definitivament. A Confederación Hidrografica de l'Ebro s'expropió os edificios y as fincas agricolas, por o que a partir d'alavetz fizon parte d'o patrimonio de a Confederación.

Dende 1986, en que a Confederación Hidrografica fizo efectiva a cesión d'os terrenos a la Unión General de Trabajadores, en o Mesón de Ligüerre s'ha feito obras d'adequación d'os edificios, que no se trobaban en estau tan ruinoso como beluns en Ligüerre, ta adaptar-los a la suya función actual.

En l'actualidat, o Mesón cuenta con un cámping de 150 parcelas, bungalows y servicios, un albergue-fonda, con habitacions, un bar restaurant y un centro social.[3]

Demografía[editar | editar código]

Evolución demografica
2003 2004 2005 2006 2007 2008 2009 2010 2011
- - - - 0 0 0 0 6

2012 2013 2014 2015 2016 2017 2018 2019 -
7 7 5 4 4 - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

Referencias[editar | editar código]

  1. (es) TOMÁS ARIAS, Chabier. El aragonés de Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  2. (es) «Mesón de Ligüerre» en a subpachina «Relación de unidades poblacionales» d'o Insituto Nacional de Estadística; consultada o 19 de chunio de 2011.
  3. 3,0 3,1 3,2 3,3 (es) Folleto toristico de Ligüerre; consultau o 19 de chunio de 2011.
  4. (es) Historia de Ligüerre de Cinca; consultada o 19 de chunio de 2011.

Vinclos externos[editar | editar código]


Lugars d'o municipio de l'Abizanda
L'Abizanda | Escaniella | Lamata | Ligüerre d'a Cinca | Mesón de Ligüerre