Mentha longifolia

*Mentha longifolia*
Mentha longifolia
Denominacions populars
ixalarga / salarga, hierba santa, hierbabuena basta, mastranzo nevau, menta d'aguachal, padrastro, baume de burro, uloreta de burro / oloreta de burro
Clasificación cientifica
Reino:	Plantae
División:	Magnoliophyta
Clase:	Magnoliopsida
Orden:	Lamiales
Familia:	Lamiaceae
Subfamilia:	Nepetoideae
Tribu:	Mentheae
Chenero:	Mentha
Especie:	Mentha longifolia
Descripción
Mentha longifolia (L.) William Hudson,

A ixalarga^[1] u salarga^[1] (nombre cientifico Mentha longifolia) ye una especie de planta d'o chenero Mentha y d'a familia Lamiaceae. Ye una planta autoctona d'Europa, Asia Central y occidental y os extrems sud y norte d'Africa (no en a zona tropical).^[2]^[3]^[4] A suya fuerte aroma ye causada por una esencia constituyida fundamentalment por mentol.

Descripción

Ye una hierba perenne, grisenca, erecta, de tallos pilosos, de 30 cm a 1 m d'altaria, d'ulor suau y muit agradable. As fuellas son sésils, de 5 a 10 cm de largaria, lanceoladas, agudas, con a marguin sarrada, tomentosas y blanquinyosas por l'inrevés. As flors son bilabiadas, blanquinyosas, reunidas en inflorescencias en forma d'espiga en o cobalto d'os tallos. A floración ye entre chulio y noviembre.

En iste chenero son frecuents os hibridos, a sobén cautivaus pa sacar-ne a esencia de menta d'uso en medicina y en a industria alimentaria. O mas corrient ye Mentha piperita, un hibrido entre a hierbabuena (Mentha spicata) y o sandalo (Mentha aquatica).

Habitat

Se troba en os hierbazals humidos y en as chuncals d'a meya montanya y d'o piso subalpín.

Nombres

Se rechistra ixalarga^[5] en Campo y salarga^[5] en a redolada de Turbón y en Campo. A forma padrastro^[5]^[1] se troba en Torrociella d'Alcanyiz y a variant padastro^[5] en Val Palmas, Biel y Exeya d'os Caballers. Se diz oloreta de burro^[5]^[1]^{[nota 1]} en Bailo, trobando-se tamién rechistrada a variant baume de burro.

En os Monegros se troba mastranzo nevau^[5]^[1]. Atras denominacions pa ista planta son hierba santa^[1], hierbabuena basta^[1] y menta d'aguachal^[1].

Notas

↑ Con a variant uloreta de burro.

Referencias

1 2 3 4 5 6 7 8 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ (en) Euro+Med Plantbase Project: Mentha longifolia
↑ (en) African Flowering Plants Database: Mentha longifolia
↑ (en) Flora of China: Mentha longifolia
1 2 3 4 5 6 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

Datos: Q161924
Multimedia: Mentha longifolia / Q161924
Especies: Mentha longifolia

[6] Con a variant uloreta de burro.

[DACC-1] 1 2 3 4 5 6 7 8 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[empp-2] (en) Euro+Med Plantbase Project: Mentha longifolia

[afpd-3] (en) African Flowering Plants Database: Mentha longifolia

[foc-4] (en) Flora of China: Mentha longifolia

[Vidaller-5] 1 2 3 4 5 6 (an) Libro de as matas y os animals; Dizionario aragonés d'espezies animals y bechetals. Rafel Vidaller Tricas. Ediciones La Val de Onsera. ISBN 978-84-8986-235-7. 2004.

[1]

[2]

[3]

[4]

[5]

[nota 1]