Memphis Belle (cinta)

Iste articlo ye sobre una cinta anglo-estausunidense de cine de drama belico estrenada en 1990; ta atros usos, se veiga Memphis Belle.

Memphis Belle
Títol	Memphis Belle
Ficha tecnica
Dirección	Michael Caton-Jones
Dirección artistica	Norman Dorme John King Alan Tomkins
Producción	David Puttnam Catherine Wyler
Disenyo de producción	Stuart Craig
Guión orichinal	Monte Merrick
Musica	George Fenton
Soniu	Paul Cridlin Michael Crouch Martin Evans Richard Finney Ian Fuller Mark Holding David John Ray Merrin Bill Rowe
Fotografía	David Watkin
Montache	Jim Clark
Escenografía	Ian Giladjian
Vestuario	Jane Robinson
Maquillache	Anna Cobley Joan Hills Annie McEwan
Peluquería	Pamela Haddock Maureen Hannaford-Naisbitt Meinir Jones-Lewis
Efectos especials	Richard Conway Martin Grant Bob Hollow Brian Mann Trevor Wood
Casting	Marion Dougherty Juliet Taylor
Actors	Matthew Modine Eric Stoltz Tate Donovan D.B. Sweeney Billy Zane Sean Astin Harry Connick Jr. Reed Edward Diamond Courtney Gains Neil Giuntoli David Strathairn John Lithgow Jane Horrocks Mac McDonald Steve Mackintosh
Datos y cifras
País(es)	Reino Uniu Estaus Unius Chapón
Anyo	1990
Estreno	7 de setiembre de 1990 Reino Uniu 12 d'octubre de 1990 Estaus Unius 8 de febrero de 1991 Chapón
Chenero(s)	Cine de drama Cine belico
Durada	107 min.
Idioma(s)	Anglés
Companyías
Productora(s)	Enigma Productions Fujisankei Communications British Satellite Broadcasting County NatWest Ventures
Distribución	Warner Bros.
Presupuesto	23 millons de dólars
Recauto	27 millons de dólars
Informacions en bases de datos especializadas:

Memphis Belle (títol orichinal, estrenada en Aragón con ixe mesmo títol) ye una cinta de cine de drama belico coproducida por o cine estausunidense, lo cine britanico y lo cine chaponés estrenada l'anyo 1990, dirichida por Michael Caton-Jones seguntes un guión orichinal de Monte Merrick, con una banda sonora orichinal de George Fenton, una dirección de fotografía de David Watkin y una producción cinematografica de David Puttnam y Catherine Wyler ta las productoras Enigma Productions, Fujisankei Communications, British Satellite Broadcasting y County NatWest Ventures. Conta con un elenco que se composa d'os actors Matthew Modine, Eric Stoltz, Tate Donovan, D.B. Sweeney, Billy Zane, Sean Astin, Harry Connick Jr., Reed Edward Diamond, Courtney Gains, Neil Giuntoli, David Strathairn, John Lithgow, Jane Horrocks, Mac McDonald y Steve Mackintosh, entre d'atros.

O 16 de mayo de 1943, en una base aeria en o Reino Uniu, a tripulación d'un Boeing B-17 Flying Fortress descansa mientres que reparan o suyo avión, clamau Memphis Belle, ta la suya siguient misión, que estará la 25^ena y zaguera. Si consiguen sobrevivir a ixa zaguera misión, estarán a primera tripulación d'un bombardero d'a 8^ena Fuerza Aeria d'a United States Air Force en conseguir sobrevivir y completar o suyo periodo de servicio. O tenient coronel Bruce Derringer, adedicau a labors de publicidat de guerra, plania fer servir ixo ta lo suyo obchectivo de vender bonos de guerra a la población estausunidense ta financiar a guerra, y prencipia a investigar l'historial d'os soldaus. Tanimientres, o coronel Craig Harriman, chefe d'a base, ye mas que mas preocupau por conseguir que los suyos hombres sobrevivan, y mas encara cuan ixa mesma nueit un d'os avions que tornan de bombardeyar o Tercer Reich esclata malas que aterriza, morindo toda la suya tripulación. A lo día siguient informan a la tripulación d'o Memphis Belle que parteciparán en l'ataque de 360 bombarderos contra Bremen, a on bi ha una fabrica d'avions Focke-Wulf Fw 190, con o problema de que se troba fuera d'o radio d'acción d'os cazas aliaus y farán a misión sin cobertura de cazas. Cuan plegan enta territorio alemán prencipian os ataques d'os cazas d'a Luftwaffe, lo bombardero líder d'o suyo escuadrón esclata en l'aire y lo Memphis Belle trescruza lo cielo en bel meyo d'os repuis de l'avión d's suyos companyeros. Cuan plegan enta l'obchectivo lo cielo ye cubierto por boiras que fan imposible lo bombardeyo y Dearborn, lo chefe de l'avión y agora d'o escuadrón, fa que tornen a sobrevolar l'obchectivo dica que troban un forato en as boiras y lanzan as suyas bombas, encara que continan perdendo avions por o fuego de l'artillería antiaeria. Tanimientres, en o viache de tornada enta la suya base tornan a recibir l'ataque d'os avions de caza alemans y lo Memphis Belle, muit estropiciau, albandona la formación en no poder abanzar a la mesma velocidat y dubdando mesmo de si podrán plegar a salvo enta la suya base.

Ista cinta s'ambienta en l'anyo 1943 en Anglaterra y en Bremen en Alemanya, mientres a Segunda Guerra Mundial; y las suyas escenas se filmoron en bases d'a Royal Air Force en Gloucestershire y Lincolnshire, en l'Imperial War Museum Duxford en Duxford (Cambridgeshire) y en Londres, amás d'en os Pinewood Studios en Iver (Buckinghamshire).

ye yna cinta que ha recibiu bel premio y bella nominación, en destacando una nominación a lo Premio BAFTA a la Millor Banda Sonora l'anyo 1991 mientres a 44^ena edición d'os Premios BAFTA.

Elenco

Actor	Papel	Notas
	'

Se veiga tamién

• Cine en 1990.
• Cintas de 1990.

Vinclos externos

• Se veigan as imáchens de Commons sobre Memphis Belle.
• (en) Memphis Belle en Internet Movie Database.
• (en) Memphis Belle en l'American Film Institute Catalog de l'American Film Institute.
• (en) Memphis Belle en Rotten Tomatoes.
• (en) Memphis Belle en Box Office Mojo.

• Datos: Q653281
• Multimedia: Memphis Belle (film) / Q653281