Medicine Man (cinta)

Iste articlo ye sobre una cinta estausunidense d'aventuras dramaticas de 1992; ta atros usos, se veiga Medicine Man.

Medicine Man
Títol	Medicine Man
Póster d'a cinta.
Ficha tecnica
Dirección	John McTiernan
Dirección artistica	Jesus Buenrostro Don Diers
Producción	Donna Dubrow Andrew G. Vajna
Disenyo de producción	John Krenz Reinhart Jr.
Guión orichinal	Tom Schulman Sally Robinson
Musica	Jerry Goldsmith
Fotografía	Donald McAlpine
Montache	Mary Jo Markey Michael R. Miller
Escenografía	Enrique Estévez
Vestuario	Marilyn Vance
Maquillache	Raúl Sarmiento
Casting	Bonnie Timmermann
Actors	Sean Connery Lorraine Bracco José Wilker José Lavat
Color	Panavision Technicolor
Datos y cifras
País(es)	Estaus Unius
Anyo	1992
Estreno	7 de febrero de 1992 Estaus Unius
Chenero(s)	Cine d'aventuras Cine de drama
Durada	106 min.
Companyías
Productora(s)	Hollywood Pictures Cinergi Pictures
Distribución	Cinergi Productions
Presupuesto	40 millons de dólars
Recauto	45 millons de dólars
Informacions en bases de datos especializadas:

Medicine Man (títol orichinal en anglés, en aragonés Pilmador u Hombre medecina, estrenada en Aragón con o títol en castellano de Los últimos días del edén, en aragonés Os zaguers días de l'edèn) ye una cinta de cine estausunidense de cine d'aventuras dramaticas estrenada l'anyo 1992, dirichida por John McTiernan seguntes un guión orichinal de Tom Schulman y Sally Robinson, con una banda sonora orichinal de Jerry Goldsmith, una dirección de fotografía de Donald McAlpine y una producción cinematografica de Donna Dubrow y Andrew G. Vajna. Conta con un elenco d'actors d'o cual en fan parte, entre d'atros, Sean Connery, Lorraine Bracco, José Wilker y José Lavat.

Robert Campbell ye un bioquimico estausunidense que ye en a l'Amazonia treballando ta la companyía farmaceutica Aston Laboratories. Cuan a suya aduyant (y esposa) marcha y l'albandona, la companyía ninvía ta substituyir-la a la doctora Rae Crane, qui ha de valurar si la companyía ha de continar financiando las investigacions de Campbell. Tanimientres, iste en primeras se muestra bien poco colaborativo y la relación entre toz dos ye bien mala, pero ixo prencipia a cambiar cuan a doctora conoix y compreba que Campbell ha trobau una medecina contra lo cáncer. O problema ye que no consigue sintetizar o compuesto activo d'o medicamento a partir d'un suero procedent d'una rara planta que nomás creixe que en ixa redolada, en as partes mas altas d'os árbols d'a selva amazonica. Y una empresa adedicada a la extracción y comercialización de fusta ye construyindo una carretera enta lo lugar y Campbell sabe (porque ya l'ha viviu d'antes mas) que a traviés d'ella plegarán enta la tribu d'o lugar chermans patochenos que los matarán. Marchan en busca d'o pilmador que d'antes mas teneba la tribu y iste lis explica que la medicina que buscan no se troba en a flor que Campbell pensaba, so que en una forniga autoctona, que los miembros d'a tribu minchan como lamín. Pero cuan tornan en o poblau indichena, troban que la carretera ya ha plegau en o lugar y cuan preban d'evitar que se construya lo trampo final, la primera consecuencia ha estau un incendio que ha destruyiu o poblau y lo laboratorio d'investigación de Campbell

A cinta s'ambienta en a suya epoca actual (1992) en Brasil y las suyas escenas se filmoron en Catemaco (Veracruz de Ignacio de la Llave) y en localizacions en os estaus de Chiapas y Oaxaca en Mexico.

Ye una cinta que ha recibiu bella ominación a bel premio, encara que en iste caso no se tracta d'un premio positivo, en estar una nominación a un Premio Golden Raspberry

Elenco

Actor	Papel	Notas
	'

Se veiga tamién

• Cine en 1992.
• Cintas de 1992.

Vinclos externos

• (en) Medicine Man en Internet Movie Database.
• (en) Medicine Man en l'American Film Institute Catalog de l'American Film Institute.
• (en) Medicine Man en Box Office Mojo.

• Datos: Q1632217