Mas d'Alins
| Mas d'Alins | |
| Localidat d'Andorra | |
 | |
| Estau • Parroquia • Cuarto |
 Andorra Sant Julià de LòriaFontaneda |
| Codigo postal | AD600 |
| Coordenadas | |
Mas d'Alins ye un lugarón d'o Prencipau d'Andorra situau en a parroquia de Sant Julià de Lòria.
Cheografía
[editar | modificar o codigo]Se troba muit amán d'a muga d'Andorra con o municipio catalán de Les Valls de Valira, en a comarca de l'Alto Urchel. En son amanaus os nuclios d'Argolell y d'Arduix. Entre istos dos zaguers chicoz lugars i pasa o camín d'Andorra, por a on fuyioron muitas personas mientres a Guerra Civil espanyola, dentrando ta Andorra por Mas d'Alins. Entre tantos atros fació servir iste camín sant Josemaría Escrivá de Balaguer pa poder exercer librement o suyo ministerio sacerdotal.[1][2]
Toponimia
[editar | modificar o codigo]Apareixe documentau como Helinse en as primeras mencions d'o lugar (sieglo IX) y dica o sieglo XII. Existen tamién lugars con o mesmo nombre en o Pallars Sobirán (Alins), en Ribagorza (Alins) y en Litera (Alins). Seguntes Joan Coromines y Manuel Anglada, ye un toponimo d'orichen basco, a partir d'irin "farina" y con o sufixo colectivo -tze, por tanto, "abundant en farina".[3] S'ha proposau tamién l'alternativa ilinti "tizón"[4] en cuentas d'irin, con o significau d'"abundant en tizons".[5]
Molimentos
[editar | modificar o codigo]En iste endrecho, a 1.425 metros d'altaria,[6] se troba a ilesia de Sant Istevan d'el Mas d'Alins, de construcción simpla, romanica y tipicament rural. Probablement ista ilesia data d'o sieglo XII.[7] O conchunto no tien garra tipo d'ornamentación, lo que dificulta a suya datación. A capiella serviba pa o culto d'os habitants d'o lugarón de Mas d'Alins, situau amán de Fontaneda.[8]
O templo ye de tipo rural, formau por una sola nau rectangular rematada en un abside semicircular. A nau tien una cubierta de fusta, mientres que l'abside tien vuelta de piedra de cuarto d'esfera. En o muro sud trobamos a puerta d'acceso, formada por un arco de meyo punto adovelau y muit rudimentario. A traviés d'uns escalerons se baixa a o livel d'o solero d'a nau, que ye lucherament inferior a lo de l'exterior. O muro ueste ye coronau con un campanal d'un sol uello.[6]
Referencias
[editar | modificar o codigo]- ↑ (ca) "El pas dels Pirineus". Jordi Piferrer. Pagès editors. 2012.
- ↑ (ca) Associació d'Amics del camí de Pallerols de Rialb a Andorra
- ↑ (ca) ALINS: Onomasticon Cataloniae. Joan Coromines. vol. VII. Barcelona: Curial Edicions Catalanes, 1997, p. 142-143. ISBN 84-7256-331-6.
- ↑ (eu) Orotariko Euskal Hiztegia. Euskaltzaindia.
- ↑ (ca) "Arrels d'Andorra. Prehistòria d'Andorra a través dels noms de lloc". Manuel Anglada i Ferran. Editorial Andorra. Andorra la Vella, 1993. Pach. 256. ISBN 99920-53-02-X
- 1 2 (ca) Sant Esteve del Mas d'Alins. Aldeaglobal.net.
- ↑ (ca) En Oficina de Turisme de Sant Julià de Lòria
- ↑ (ca) ESGLÉSIA DE SANT ESTEVE DEL MAS D'ALINS
| Localidaz d'a parroquia de Sant Julià de Lòria | |
|---|---|
| Aixàs | Aixirivall | Aixovall | Aubinyà | Bixessarri | Certers | Fontaneda | Juverri | Llumeneres | Mas d'Alins | Nagol | Sant Julià de Lòria |
| Control d'autoridaz |
|
|---|
Datos: Q18004353