María de Navarra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| María de Navarra | |
|---|---|
| Reina consort d'Aragón | |
 | |
| 23 de chulio de 1338-29 d'abril de 1347 | |
| Predecesor | Alionor de Castiella |
| Succesor | Alionor de Portugal |
| Atros títols | |
| Infanta de Navarra | |
| Naixencia | ¿1326? - ? |
| Muerte | 28 d'abril de 1347 Valencia |
| Conchuche/s | Pero IV d'Aragón |
| Dinastía | Casa d'Evreus |
| Pai | Felipe d'Evreus |
| Mai | Chuana II de Navarra |
María de Navarra (¿1326? - Valencia, 1347) estió infanta de Navarra y reina consort d'Aragón.
Filla de Chuana II y Felipe d'Evreus, reis de Navarra. Nieta de Lois X de Francia y Margalida de Borgonya por vía materna y d'o conte Lois d'Evreus y Margalida d'Artois por vía paterna. Chirmana d'o rei Carlos II de Navarra entre atros. Sus pais heban estableixiu a Casa d'Evreus como a nueva dinastía reinant en Navarra y quereban amillorar as suyas relacions con os reinos ibericos vecins.
En 1333 encetoron negociacions ta establir un compromís entre Chuana, a chirmana mayor de María, y Pero, o hereu a la cadiera reyal d'Aragón. Manimenos, Pero, que puyó a la cadiera reyal en 1336, esprisó a suya preferencia por a chirmana menor y Chuana habió de renunciar a os suyos dreitos de succesión en favor de María. O contrato matrimonial fue sinyau por su pai en o suyo castiello d'Anet o 6 de chinero de 1336. En él s'estipulaba que si su mai moriba sin deixar fillos, María u os suyos fillos heredarían a corona navarra. A voda se celebró en a ciudat d'Alagón o 25 de chulio de 1337. A novia recibió como dote d'o suyo mariu as villas de Chaca, Teruel y Tarragona. En 1338 a nueva reina fació a suya dentrada trunfal en Barcelona.
Fruito d'iste matrimonio naixioron cuatro fillos.
- Constanza (1343-1363), casada en 1361 con Frederico III de Sicilia
- Chuana (1344-1385), casada en 1373 con Chuan I d'Ampurias
- María (1345-1348)
- Pero (1347).
María murió por fiebres puerperals en a ciudad de Valencia o 29 d'abril de 1347, seis días dimpués de dar a luz a o suyo zaguer fillo falleciu a o día de naixer. O suyo cuerpo fue apedecau en o Monesterio de Poblet. O viudo tornó a casar-se a os pocos meses.[1]
Referencias
[editar | modificar o codigo]
| Predecesora: Alionor de Castiella |
Consort d'o rei d'Aragón 23 de chulio de 1338-29 d'abril de 1347 |
Succesora: Alionor de Portugal |
Datos: Q387701
Multimedia: Maria of Navarre / Q387701