Marzuela
A marzuela[1] u mazuela[1], tamién conoixida como carinyena[2] (en francés carignan) y d'antis más tamién como cluixillón[2][3], ye una uga tinta aragonesa que ha estau plantada mas que mas en a Mediterrania Occidental, encara que tamién se troba hue en a resta d'o mundo. Igual que l'aramón, os suyos vins fan parti por un regular d'os excedents vinicolas de Francia y ha estau muit emplegada pa producir vin de garrafa en a Val Central de California.[4]
En Aragón ye una d'as variedaz tintas autorizadas en os vins d'as denominacions d'orichen protechidas Calatayú, Campo de Borcha, Carinyena y Urbezo y en as indicacions cheograficas protechidas vins d'a Tierra Baixo Aragón, Ribera d'o Galligo-Cinco Villas, Ribera de Xiloca, Valle d'a Cinca y Val de Xalón.
Historia
[editar | modificar o codigo]Os ampelografos creyen que ista uga s'orichinó en Carinyena, Aragón, y que fue levada posteriorment ta Cerdenya, ta a peninsula italica, Francia, Alcheria y o Nuevo Mundo. A variedat ha estau habitual historicament en o vin de mezcla de Rioja. A radíz d'a influyencia espanyola, ganó importancia en Alcheria, que a la vegada exportaba ixe vin ta Francia. Cuan Alcheria s'independizó de Francia en 1962, se talló o suministro de marzuela a o país galo y os productors d'o sud de Francia s'adedicoron a plantar mas hectarias d'ista vit.
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 (es) Caracterización de variedades de vid (Vitis vinifera L.) de la provincia de Huesca. José Casanova Gascón. Universidat de Zaragoza, Uesca, setiembre de 2008.
- ↑ (an) Uva. Aragonario.
- ↑ (en) Clarke, Oz: Encyclopedia of Grapes, p. 58. Harcourt Books, 2001 ISBN 0-15-100714-4.