Martes de Pascua
O Martes de Pascua[nota 1] ye o día posterior a o Luns de Pascua. Tradicionalment ye un día festivo laboral y ludico en Teruel[1], asinas como en o País Valenciano, a on se perdió ya en o sieglo XX.[2]
Ye considerau como un d'os tres días d'a Pascua valenciana, a on son muit tipicas as salidas a o campo pa minchar a mona con familiars u amigos (en Valencia capital s'adhibe o luns de Sant Vicent). En Teruel se celebra iste día o Sermón d'as Tortiellas.
Festividat
[editar | modificar o codigo]D'antis mas, l'unico día festivo completo yera o Día de Pascua, ye decir, o dominche. O luns y o martes yeran festivos de tardis. I heba colechio y treballo, pero nomás de maitins. De tardis a chent salía ta o campo pa minchar a mona y cantar. En muitos puestos mientres o sieglo XX s'adoptoron dos festivos completos, o dominche y o luns, mientres que o martes se perdió.
Manimenos encara ye festivo local u se fan romerías en bels lugars d'Aragón, como Teruel capital u Quinto[3], asinas como en lugars d'o País Valenciano como L'Alcora y Mareny de Barraquetes.
Notas
[editar | modificar o codigo]- ↑ Con as variants Marz de Pascua, Marts de Pascua y Demarts de Pascua
Referencias
[editar | modificar o codigo]- ↑ (es) El motivo por el que el martes de Pascua es festivo en Teruel: "Desde la Edad Media". Pablo Fernández Pujol. Cope, 5 d'abril de 2024
- ↑ (ca) La festa reinventada: Calendari, política i ideologia en la València franquista. Manuel Hernàndez y Martí Gil. Universidat de Valencia, 1 de marzo de 2022. ISBN 978-84-370-9472-4
- ↑ (es) Fiestas. Quinto.es
| Control d'autoridaz |
|
|---|
Datos: Q12299916