Martés

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Iste articlo ye sobre un lugar aragonés en a comarca d'a Chacetania. No confundir con Martes

Martés
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Chacetania A Canal de Berdún
Partiu chudicial	Chaca
Población  • Total	32 hab. (2013)
Altaria  • Meyana	616 m.
Distancia  • 82 km	enta Uesca
Codigo postal	22770
Coordenadas	42°34’21’’N 0°53’29’’U
Martés Martés en Aragón

Martés ye un lugar aragonés d'a provincia de Uesca, en o municipio aragonés d'a Canal de Berdún, en a comarca d'a Chacetania.

A suya población yera de 32 habitants en o 2013.

Ye una d'as etapas d'o Camín de San Chaime Aragonés, situata entre Arrés y Mians.

Cheografía

O lugar de Martés ye situato a 616 metros d'altaria sobre o livel d'a mar, a man d'o río Aragón, en a parte más planera d'o suyo territorio, encara que o suyo antigo termin, en a parte sur, ye muit montanyoso, con o Pui d'Arás, de 1.239 metros d'altaria, en a muga con Longars y a val d'Onsella, en a provincia de Zaragoza.

As plevias d'o suyo termin desauguan en o río Aragón a traviés de bellos torrents y barrancos, como o barranco d'o Tobo, estando a o suyo canto o lugar de Martés.

Historia

Dende l'anyo 1923 dica o 1925 tenió lugar un periodo de alta actividat sismica en A Canal de Berdún, o martes 10 de chulio de 1923 se produció un tierratremo de VIII graus d'intensidat en a escala de Mercal·li conoxito como o terratremo de Martés, por ser ista a población mas danyata d'as que estaban en o epicentro. Entre as 5:31 y as 13:41 horas bi habió cinco tremolons, as ondas sismicas que plegoron dica Zaragoza. Muitas casas s'esvoldregoron y muitos habitants habioron de vivir en tiendas de campanya de l'exercito en verano. Ixe mesmo anyo Martés estió l'epicentro d'atros 3 seismos, y en Villarreyal d'a Canal en rechistroron atros seis mes entre octubre de 1923 y chulio de 1924. Tamién Martés l'anyo 1923 estió o scenario d'atro desastre natural, con inundacions en as riberas d'o río Aragón y Galligo que tamién se notoron en Zaragoza, tot isto contribuyó a lo suyo proceso de despoblación.

Demografía

Evolución demografica

1362 f 1495 f 1842 1857 1860 1877 1887 1897 1900 - - 148 380 341 306 280 237 270

1910 1920 1930 1940 1950 1960 1970 1981 1991 298 297 259 234 239 160 - - -

2003 2004 2005 2006 2007 2008 2009 2010 2011 - - - - 37 34 - - -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

• Ilesia de Santa María de Martés, una ilesia en estilo gotico adedicada a Santa María, que ye la ilesia parroquial d'o lugar.