Marry Me (cinta de 2022)
- Iste ye un articlo sobre una cinta estausunidense de comedia dramatica romantica estrenada en 2022; ta atros usos, se veiga Marry Me.
Marry Me (títol orichinal en anglés, en aragonés Casa-te con yo, estrenada en Aragón con o suyo títol traduciu enta lo castellano como Cásate conmigo) ye una cinta de cine de comedia dramatica romantica coproducida por o cine estausunidense, lo cine chinés y lo cine chaponés estrenada l'anyo 2022, dirichida por Kat Coiro seguntes un guión adaptau por John Rogers, Tami Sagher y Harper Dill (basau en Marry Me, un cómic publicau por Bobby Crosby en l'anyo 2020), con una banda sonora orichinal de John Debney, una dirección de fotografía de Florian Ballhaus, una producción cinematografica d'Elaine Goldsmith-Thomas, Jennifer Lopez, Benny Medina y John Rogers ta las productoras Nuyorican Productions, Perfect World Pictures y Kung Fu Monkey Productions y un elenco composau por, entre d'atros actors, Jennifer Lopez, Owen Wilson, Maluma, John Bradley, Chloe Coleman, Sarah Silverman, Utkarsh Ambudkar, Michelle Buteau y Jameela Jamil.
Kat Valdez ye una cantaire muit popular en a comunidat latina d'Estaus Unius y dica l'inte ha teniu cuatre matrimonios fallius que han teniu muita repercusión mediatica. Agora ye la novia de Bastian, con qui ha publicau una canción clamada "Marry Me" que ha estau un exito mundial. Han planificau a suya voda como un gran evento en un concierto en directo. D'atra man, Charlie Gilbert ye un mayestro de Matematicas esvurciau muito mas retrayiu y con problemas ta connectar con a suya filla Lou, estudiant en a suya mesma escuela. Kat prencipia a tener bellas dubdas sobre la planificación d'a voda pero a la fin fa lo concierto, a una companyera de treballo ha convidau a Charlie y a su filla. De rapiconte, cuan plega lo momento d'a voda en o concierto, se publica en una web social un video a on se veye una infidelidat de Bastian con una atra muller y Kat decide cancelar a voda, pero de rapiconte veye a Charlie con aspecto serio y con un cartel a on amaneixe "Marry Me", cartel que heba preparau a suya amiga ta demanar-li matrimonio a la mesacha con a que teneba que ir a lo concierto. Kat accepta ixa oferta no feita de matrimonio en publico y la chent empenta a Charlie enta l'escenario, a on ta sorpresa de toz se fa una voda efectiva entre Kat y Charlie. Encara que pareixe una sinconisión, toz dos deciden continar formalment con o matrimonio, encara que no sía un matrimonio real, y prencipian poquet a poquet a sentir atracción uno por l'atro, a la vegada que Lou ye bien contenta d'a suya nueva madrastra, encara que mai no ha charrau con ella. Cuan se conoixen, sienten prou buena impresión l'una de l'atra y Kat li da a Lou consellos sobre como actuar en un concurso de matematicas que s'ha de fer bien luego. O problema ye que cuan Charlie prencipia a intresar-se seriament y pareixe que Kat tamién siente lo mesmo, apareixen obligacions de Kat que la fan tener contacto con Bastian, cosa que a Charlie no li cuaca.
A cinta s'ambienta en a suya epoca actual (2022) en Nueva York (Nueva York); y las suyas escenas se filmoron en escenarios d'ixa mesma ciudat.[2]
Marry Me ye una cinta que ha recibiu bels premios y nominacions, encara que garra d'éls no fa parte d'o conchunto de premios mas conoixius u destacaus d'o mundo cinematografico internacional.
Elenco[3]
[editar | modificar o codigo]| Actor | Papel | Notas |
|---|---|---|
| ' |
Se veiga tamién
[editar | modificar o codigo]Referencias
[editar | modificar o codigo]- 1 2 3 4 (en) Estreno de Marry Me, en Internet Movie Database.
- ↑ (en) Estreno de Marry Me, en Internet Movie Database.
- ↑ (en) Marry Me en Internet Movie Database.
Vinclos externos
[editar | modificar o codigo]- (en) Marry Me en Internet Movie Database.
Datos: Q73543375
- Cintas por títol
- Cintas de 2022
- Cintas ambientadas en Nueva York (ciudat)
- Cintas ambientadas en 2022
- Cintas con banda sonora orichinal de John Debney
- Cintas con dirección de fotografía de Florian Ballhaus
- Cintas con guión de Harper Dill
- Cintas con guión de John Rogers
- Cintas con guión de Tami Sagher
- Cintas con montache de Michael Berenbaum
- Cintas con montache de Peter Teschner
- Cintas de cine de comedia
- Cintas de cine de drama
- Cintas de cine de romance
- Cintas de Chapón
- Cintas de China
- Cintas d'Estaus Unius
- Cintas dirichidas por Kat Coiro
- Cintas en anglés
- Cintas en castellano
- Cintas interpretadas por Chloe Coleman
- Cintas interpretadas por Jameela Jamil
- Cintas interpretadas por Jennifer Lopez
- Cintas interpretadas por John Bradley
- Cintas interpretadas por Maluma
- Cintas interpretadas por Michelle Buteau
- Cintas interpretadas por Owen Wilson
- Cintas interpretadas por Sarah Silverman
- Cintas interpretadas por Utkarsh Ambudkar
- Cintas producidas por Benny Medina
- Cintas producidas por Elaine Goldsmith-Thomas
- Cintas producidas por Jennifer Lopez
- Cintas producidas por John Rogers
- Cintas rodadas en Nueva York (ciudat)