Mercatotecnia
A mercatotecnia[1] ([mar'ketin] u ['marketin], de l'anglés marketing) revalora a percepción subchectiva d'un determinau producto, servicio u empresa fendo servir un conchunto d'actividaz de mercau relacionatas entre ellas. Ye siempre endrezada ta satisfer os deseyos y motivar as necesidaz d'un publico potencial u rolde obchectivo. As tecnicas que fa servir sen destinatas a desembolicar os comportamientos positivos d'iste rolde enta la organización u entidat, favoreixendo l'intercambio d'esquímens en forma de crompa de producto u servicio final por parti d'os mercadors.
As actividaz que se fan servir incluyen l'estudio d'os procesos d'investigación ta: escubillar a existencia d'o rolde de mercadors potencials, conoixer as suyas necesidaz y intreses, conoixer as posibilidaz y maneras d'amanamiento d'a empresa enta os roldes obchectivos, ecetra. A mercadotecnia tamién incluye as investigacions de mercau, l'analís de posicionamiento y valors expresivas d'os productos u servicios ufrius, os suyos pres y os volumens de distribución mas favorables y, zaguerament, as posibles promocions y campanyas publicitarias.
A publicidat ye a ferramienta mas directa d'a mercatotecnia. Ista merca un espacio comunicativo ta un producto u servicio determinau y i mete un mensache persuasivo con l'obchectivo de vender-lo. A publicidat, chunto con atras tecnicas de mercatotecnia y promoción, fan que l'articlo u servicio remana en os tozuels d'os mercadors, fendo asinas que lis agane a crompa d'este.[2]
Referencias
[editar | modificar o codigo]- ↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Marketing olfativo. Definición, estrategia y objetivo.
