Marie Antoinette (cinta de 2006)

Iste articlo ye sobre una cinta de cine de drama historico biografico coproducida por Estaus Unius, Francia y Chapón y estrenada en 2006; ya atros usos, se veiga Marie Antoinette.

Marie Antoinette
Títol	Marie Antoinette
Ficha tecnica
Dirección	Sofia Coppola
Aduyant de dirección	Samantha Mialet
Dirección artistica	Pierre du Boisberranger Anne Seibel
Producción	Ross Katz Sofia Coppola
Disenyo de producción	K.K. Barrett
Guión adaptau	Sofia Coppola
Basau en	Marie Antoinette: The Journey, asayo biografico d'Antonia Fraser (2001)
Musica	Dustin O'Halloran
Soniu	James Ashwill Richard Beggs Steve Bissinger Jean-Marie Blondel David A. Cohen John T. Cucci Richard Duarte Ivan Fritz Dan Gleich Heather Gross Matthew Hartman Larry Hopkins Richard Jory Michael Kirchberger Robert Knox Stephane Lioret Zach Martin Dan O'Connell Marc Parazon Kent Sparling Christopher Sullivan Allie Sultan Roy Waldspurger Stuart Wilson
Fotografía	Lance Acord
Montache	Sarah Flack
Escenografía	Véronique Melery
Vestuario	Milena Canonero
Maquillache	Sylvie Aid Laurence Azouvy Cyrielle Bailly Pascale Bouquière Françoise Chapuis-Asselin Bénédicte De Lataillade Bernard Floch Odile Fourquin Marie-Anne Hum Irène Jordi Nathalie Louichon Stephan Marais Patricia Planche Jean-Luc Russier Hue Lan Van Duc Jean Luc Villeneuve
Peluquería	Rachel Aboulkheir Frédérique Arguello Frédéric Barat Véronique Boitout Laurent Caille Stéphanie Colin Sidonie Constantien Raphael Cornillon Desiree Corridoni Elle Elliott Odile Gilbert Lorraine Glynn Mathieu Gueracague Christine Laurent Maurilio Lazzaro Lucie Musci Julio Parodi Mario Pegoretti Gérald Portenart Fulvio Pozzobon Milou Sanner Miguel Santos Olivier Seyfrid Rose-Edmonde Tacail Mauro Tagliaventi Estelle Tolstoukine
Efectos especials	Hubert Devinck Emmanuel Galtier Philippe Hubin Jean-Christophe Magnaud Gilbert Pelosi
Casting	Antoinette Boulat Karen Lindsay-Stewart
Actors	Kirsten Dunst Jason Schwartzman Judy Davis Steve Coogan Rip Torn Rose Byrne Asia Argento Molly Shannon Shirley Henderson Danny Huston Marianne Faithfull Mary Nighy Jamie Dornan Al Weaver Sarah Adler Sebastian Armesto Clémentine Poidatz Céline Sallette Aurore Clément Guillaume Gallienne Jean-Christophe Bouvet Tom Hardy James Lance Mathieu Amalric Joseph Malerba André Oumansky
Color	Kodakvision
Datos y cifras
País(es)	Estaus Unius Francia Chapón
Anyo	2006
Estreno	24 de mayo de 2006 Festival Internacional de Cine de Canas (Canas, Alpes Maritimos, Francia) 13 d'octubre de 2006 Festival de Cine de Nueva York (Nueva York, Nueva York, Estaus Unius) 20 de chinero de 2007 Chapón
Chenero(s)	Cine de drama Cine historico Cine biografico
Durada	123 min.
Idioma(s)	Anglés Latín Francés
Companyías
Productora(s)	Columbia Pictures American Zoetrope Tohokushinsha Film Corporation
Distribución	Sony Pictures Releasing Pathé Distribution Toho-Towa
Estudio(s)	Pinewood Studios
Presupuesto	40 millons de dólars
Recauto	60,9 millons de dólars
Informacions en bases de datos especializadas:

Marie Antoinette (títol orichinal en francés, en aragonés María Antonieta, estrenada en Aragón con iste zaguer títol) ye una cinta de cine de drama historico biografico coproducida por o cine estausunidense, lo cine francés y lo cine chaponés y estrenada l'anyo 2006, dirichida por Sofia Coppola seguntes un guión adaptau por ella mesma (basau en l'asayo biografico Marie Antoinette: The Journey, publicau por Antonia Fraser en l'anyo 2001), con una banda sonora orichinal de Dustin O'Halloran, una dirección de fotografía de Lance Acord y una producción cinematografica de Ross Katz y Sofia Coppola ta las productoras Columbia Pictures, American Zoetrope y Tohokushinsha Film Corporation. Conta con un elenco d'actors formau por Kirsten Dunst, Jason Schwartzman, Judy Davis, Steve Coogan, Rip Torn, Rose Byrne, Asia Argento, Molly Shannon, Shirley Henderson, Danny Huston, Marianne Faithfull, Mary Nighy, Jamie Dornan, Al Weaver, Sarah Adler, Sebastian Armesto, Clémentine Poidatz, Céline Sallette, Aurore Clément, Guillaume Gallienne, Jean-Christophe Bouvet, Tom Hardy, James Lance, Mathieu Amalric, Joseph Malerba y André Oumansky, entre d'atros.

María Antonieta ye en 1770 una choven de 14 anyadas, filla de Francisco I d'o Sacro Imperio Romano Chermanico y de María Tresa I d'Austria. Ye una choven inchenua y bien polida a qui ninvían enta Francia ta casar-se con Loís Augusto, dalfín de Francia. Malas que plega enta lo palacio de Versailles, fa la suya voda con Loís y toz deseyan que bien luego naixca un futuro hereu a lo tron de Francia, pero lo problema ye que Loís no amuestra garra intrés en consumar o matrimonio (encara que toz li fan a culpa d'a situación a María Antonieta). Ixo complica encara mas a situación d'a mesacha, a qui se critica en a cort en estar d'orichen forano. Y la mesma María Antonieta provoca criticas en negar-se a saludar, ni que sía por fer a codalla, a madame du Barry, la "maîtresse-en-titre" d'o rei Loís XV de Francia. Albandonada de feito por o suyo mariu, María Antonieta s'adedica a fer una vida de luxos, en mercando ropa extravagant y chugando con un chicot grupo d'amigas d'a cort. Cuan o chirmano de María Antonieta, Chusé II d'o Sacro Imperio Romano Chermanico, la visita, li aconsella de deixar ixe ritmo de vida (cosa que la mesacha no fa) a la vegada que explica a Loís Augusto la mecanica d'as relacions sexuals, en contimparando-las con os mecanismos d'as zarraduras, que lo choven conoixe bien en estar a relochería la suya afición favorita. A la fin la parella tien por primer vegada relacions sexuals y María Antonieta alumbra a una filla, María Tresa. María Antonieta prencipia una relación con Hans Axel von Fersen, fendo a la vegada una vida mas asentada (encara que la suya imachen yera ya bien negativa entre la población francesa) y naixendo succesivament tres fillos mas, entre éls Loís Chusé, dalfín de Francia. A imachen negativa d'a reina tiendrá consecuencias en 1789, en esclatar a revolución francesa con a presa d'a Bastiella.

A cinta s'ambienta mientres os anyos 1770, 1780 y 1790 en Versailles (Yvelines); y las suyas escenas se filmoron en o palacio de Versailles y atros puestos en Versailles y lo castiello de Millemont en Millemont (Yvelines), Fontainebleau y Vaux-le-Vicomte (Sena y Marne), en o castiello de Chantilly en Chantilly (Oise) y en París (Isla de Francia) en Francia, en o palacio Belvedere en Viena en Austria y en Lower Basildon (Berkshire) en o Reino Uniu, amás d'en os Pinewood Studios en Iver (Buckinghamshire), tamién en o Reino Uniu.

Marie Antoinette ye una cinta que ha recibiu cuantos premios y nominacions, en destacando un Premio Oscar a lo Millor Disenyo de Vestuario en 2007 mientres a 79^ena edición d'os Premios Oscar; y tres nominacions a los Premios BAFTA (Millor Disenyo de Vestuario, Millor Maquillache y Peluquería y Millor Disenyo de Producción) ixe mesmo anyo mientres a 60^ena edición d'os citaus premios.

Elenco

Actor	Papel	Notas
	'

Se veiga tamién

• Cine en 2006.
• Cintas de 2006.

Vinclos externos

• Se veigan as imáchens de Commons sobre Marie Antoinette.
• (en) Marie Antoinette en Internet Movie Database.
• (en) Marie Antoinette en l'American Film Institute Catalog de l'American Film Institute.
• (en) Marie Antoinette en Rotten Tomatoes.

• Datos: Q829695
• Multimedia: Marie Antoinette (2006 film) / Q829695